JINHA

NAVENDA NÛÇEYAN – Girtiyên PAJK’ê bi daxuyaniyek nivîskî balkişandin ser  rasthatina salvegera 25’ê Mijdarê Roja Têkoşîn û Piştevaniya Navneteweyî ya li Dijî Tundiya li Hemberî Jinan û wiha gotin: “Em weke  girtîyén  PAJK'ê bang li hemû jinan  dikin  ku réxistina xwe xurt bikin û felsefeya Gulé di her qadan  jîyané de jîndar bikin. Divé em jin bi parastina rewa xwe li hemû tax û kolanan rêxistin bikin.”

Girtiyên PAJK’ê di derbarê 25’ê Mijdarê Roja Têkoşîn û Piştevaniya Navneteweyî ya li Dijî Tundiya li Hemberî Jinan de daxuyaniyek nivîskî weşandin. Girtiyan di daxuyaniya xwe de anîn ziman ku her diçe qetilkirinên jinan li tevahiya cîhanê zêde dibin û wiha gotin: “Ger li dunyayê her roj  jin tén kuştin, li wé gerdûné jiyan dojehe. Jiyana kû jin û morovahî têde neçar hatine hiştin û pênc hezar sale berdewam dike jî dojeh e.”

‘felsefeya  Gulé’ 

Daxuyanî wiha berdewam dike: “Ne kémaniya morovahiyê, ne jî  hézdarîya mér  ya bedenî  tu carî nebû sedema bindestî û serdartîyé. Lé  hişmendîya çînîtiyé, çavsoriya deshilatiyê di hişmendiya mér de bû tundîya li hember Jinan.  Rébertîya  Konfederalizma Demokratik, li  hember tundîya nérza felsefeya xwe parastiné û parastina rewa péş xist û weke  ‘felsefeya  Gulé’  bi  nav kir. Îro li welaté me jî  her roj jin  tén kuştin û bi vê tundiyé re rû bi rû dimînin. Her tûndîya ku li hember jinan  pék té, kém réxistina me û nebûna felsefeya Gulé nîşanî me dide.”

‘Mirovên nikarin xwe biparêzin dê azad nebin’

Di daxuiyaniyê de bang li jinan hati kirin û wiha hat berdewam kirin: “Em weke  girtîyén  PAJK'ê bang li hemû jinan dikin  ku réxistina xwe xurt bikin û felsefeya Gulé di her qadan  jîyané de jîndar bikin. Divé bi parastina hişmendi ya fizikî em xwe li hemû tax û kolanan rêxistin bikin. Divé di kolan, tax û gündén me de tu jin li hember  tundiyé xwe bé parastin û bé çare nebîne. Divé héza jiné ya rêxistinbûyî bi helwest û şiyariya xwe li ba hemû jinan bin. Divé em tu caran ji bir nekin ku;  kesén nikarin xwe biparézin, dé azad nebin. Mér çendî biguhere jî dé nebe parézvané jinan  û teminata azadîya  jinan. Em bi mebesta salvegera 25'é Mijdarê  hemû tundiya ser jinan şermezar û lanet dikin. Em dibéjin Berxedan jîyane.” 

(ma/zt)