JINHA

AMED - Ahengiya (Koordinasyon) rêxistina Meşa Jinên Cîhanê dest bi xebatên amadekariya Meşa Jinên Cîhanê ya 4'emîn kirin. Endezyara Tûnisî û endama koordînasyona navnetewî  û nûnera jinên Ereb Sûad Mehmûd  di der barê rêxistina  Meşa Jinên Cîhanê de diyar kir ku, Meşa Jinên Cîhanê dê îsal di 8'ê Adarê de ji Kurdistanê dest pê bike û got Çalakiyên Meşa Jinên Cîhanê dê heya 17'ê Kewçer'ê bidome û li paytexta Portekizê ya Lîzbonê  bi dawî bibe."

 Rêxistina Meşa Jinên Cîhanê ya ku  ji ahengiyên cîhanî pêk tên, nûnerên wê yên jin temsîlyeta jinên welatê xwe dike. Her wiha her ahengî  dest bi xebatên amadekariya çalakiyên Meşa Jinên Cîhanê kirine. Meşa Jînên Cîhanê dê îsal jî di 8'ê Adarê  de dest bi  çalakiyên xwe bike. Meş, dê îcar ji Kurdistanê ji bajarê Nisêbînê ya girêdayî Mêrdînê ye dest pê bike. Hemû koordînasyon jî  dê li vir kom bibin û Meşa Jinên Cîhanê ya sala 2015'an li Kurdistanê were  îlan kirin.

'Meşa jinên Cîhanê ya  4'emîn dê li Kurdistanê pêk bê'

Sûad bi lêv kir ku yekemîn Meşa Jinên Cîhanê di sala 2000'an de pêk hat û wiha axivî: " Yekemîn Meşa Jinên Cîhanê li New York'ê  bi tevlîbûna 10 hezar jin pêk hat. Piştre her 5 salan carekê  tevgerên jinan ku ji her deverên cîhanê tên bi hev re tevlî çalakiyên Meşa Jinên Cîhanê dibin. Ev çalakî wek tevgerek giştî tê binavkirin. Meşa duyem jî di sala 2005'an de ya dawîyê jî di sala 2010'an de pêk hat. Niha jî bi hemû tevgerên jinan re, biryarek giştî hat girtin ku meşa îsal ji Kurdistanê dest pê bike. Her koordînasyon  bi awayekî cûda amadekariyên xwe yên beşdariyê dikin. Jinên di ahengiyê  de ne dê  temsîlyeta jinên welatên xwe  bikin."

 'YPJ, sembola têkoşîna jinê ye'

Sûad dest nîşan kir ku jinên Kurdistanê di vê  sedsalê de ji bo jinên têkoşer bûne  sembol  û wiha got: " Kurdistan ji bo yekîtî û wekheviya netewan mînak e. Her wiha erdnîgariya Kurdistanê ji bo me wek xala hevgirêdayina hemû parzemîna cîhanê  ye. Di biryar girtina meşê de jî ev xal esas hat girtin. Sal bi sal rêxistinên jinan pêşdikevin û cûreyên nû ji têkoşînê re berz dikin. Ez karim bejim ku jinên di sala 2000'an de dest bi tevger meşê kir di sala 2015'an de bêtir hêza xwe nas kiriye. Bi pêşketina jinan dê civak  jî pêşkeve. Têkoşîna jinên kurd û bi taybet berxwedayina Yekîneyên Parastina Jinê(YPJ) dê ji Meşa Jinên Cîhanê ya îsal re  bibe mînak."

'Mafê jinên Kurd ragihînin hemû cîhanê'

Sûad armanca her sê meşên jinan bibîr xist û got:'' Divê cîhan bi tevahî ji mafê azadiya jinên  Kurd  agahdar bin û wiha  berdewam kir: " Meşa Jinên Cîhanê ya yekemîn  di sala 2000'an de bi armanca şermezarkirina politiqayên Banka ya Cîhanî de pêk hat. Bankaya  Cîhanê polîtîkayên bêhêzkirina jinê di wê salê de bilind kiribû. Ji ber vê yekê 20 hezar jin li kolanên Newyork'ê meşiyan, ev yek bi armanca şermezarkirina polîtîkayên cîhangêriyê bû. Her wiha li 24 bajarên din di heman deme de meşen bi vî rengî bi heman armancê pêk dihat. Ev meş wekî yekemin tevgerên  cîhanî ku hemû jinên cîhanê bi hev re pêk anîbûn hat bi nav kirin. Meşa duyemîn jî jinên Brezîlya  pêk anîn. Di vê  meşê de jî jin ji Başûrê Brezîlya dest  bi meşê kirin heta paytexta Brezîlyayê. Ev meş 15 rojan dewam kir.Piştî vê meşê  gelek jin tevgera jinê nas kir û wek endam di nava tevgerê de cîh girt. Meşa sêyemîn jî li dijî  çekdariyê bû. Ji ber ku çekdariya dewletan dibe sedema şer û di vî şerî de jin jî mexdûrîyetê dijî. Meşa 4'emîn jî ya ku li Kurdistanê pêk bê  bi armanca li dijî  binpêkirina  mafe kedkaran bisekinin, bi destxistina mafe jinê  û her wiha armanca me ya sereke ewe ku mafê jinên Kurd ya azadiyê  em ji hemû cîhanê re rabigihînin.

'Jinên cîhanê dê hevdû nas bikin'

Sûad bal kişand ser giringiya têkilî û parvekirina navbera hemû jinên cîhanê û wiha pê de çû: "Mînaka herî berbiçav serkeftin û lehengiya jinên Kurd ên  Kobanê ye. Pêwîste ku hemû jinên cîhanê van berxwedêran ji nêz ve nas bikin. Her wiha  jin bi vê derfeta çalakiya Meşa Jinên Cîhanê, divê  pirsgirêkên xwe bi hev re parve bikin. Armanca me ewe ku jinên cîhanê  têkoşîna xwe bi hev re bilind bikin. Yek jî mafe jinê  ya xwezayî ewe ku hêzek taybet ya jinê hebe û karibe parastina xwe bike. Ji bo vê jinên  kurd, ji hemû jinên cîhanê re  bûn mînak."

'Çalakiya Yekîtiya Jinên Cîhanê'

 Sûad, anî ziman ku di Meşa Jinên Cîhanê ya 4'emîn de, dê çalakiyên cur be cur bên li darxistin û axaftina xwe wîha domand: "Yek ji van  çalakiyan jî dê, 24'ê Gulan'ê  de  bi navê Çalakiya Yekîtiya Jinên Cîhanê  pêk were. Ev çalaki dê 24 seat bê navber bidome. Çalaki dê bi taybet ji bo balkişandina  ser qetlîyama Banglêdeş ya ku li hemberî  jinan de pêk hatiye ye. Qetlîyama Banglêdeş di 2014'an de bi hilweşandina tawanê fabrîqayê  ku ser jinên karker qewimî. Di vê qelîyamê de bi sedan jin jiyana xwe ji dest dan

(şh/ch)