JINHA

AMED - Ji Komisyona Mafê Zarokan ya Baroya Amedê re di nava 5 salan de serlêdana  6  hezar û 875 zarokên mexdûr û yên der heqê wan de gilî hatiya kirin çêbûye. Di nav serlêdanan  de herî zêde tundiya li ser zarokan cîh digre, piştre jî îstismara  zayendî û mexdûriyeta TMK yê ku ser zarokan hatiye kirin heye.

 Li gor daneyên Komisyona Mafê Zarokan ya Baroya Amedê ku heta niha dozên wan şopandiye  6 hezar û 875 zarokên  mexdûr û der heqê wan de gilî hatiye kirin heye.

Doza zarokan baro dişopîne

Li gor daneyên baroyê tên dîtin ku mexdûriyeta zarokan,  herî zêde ji alî tundiyê de tê jiyandin.Komisyona Mafê Zarokan ya Baroyê, doza hezar û 699 zarokan ya rastî şîddetê hatine dişopîne. Dîsa 348  zarok mexdûriyeta gaspê dijîn. Li gor hejmarên hatine girtin de asta herî xetere nîşan dide îstismara cînsî ku li ser zarokan hatiye kirin e. Doza 363 zarok, ji ber rastî îstismara zayendî  hatine  serwextî dadê bûye.  Doza 589 zarokan jî ji ber mexdûriyetên tawanbariyên cur be cur de hatiye jiyandin ji alî baroyê ve tê şopandin.

  Li gor daneyên  6 hezar û 875 zarokên ku mexdûrbûne û der heqê wan de gilî hatiye kirin  wiha ye:

-Yên der heqê wan de gilî hatiye kirin: 2 hezar û 970

-Yên rastî şîddetê bûne : Hezar û 699

- Zarokên mexdûrê TMK'ê  bûne: 345

-Zarokên rastî ensestê bûne: 6

-Zarokên rastî gaspê hatine: 348

-Zarokên rastî îstismara cinsî û tacîzê bûne:363

-Zarokên mexdûr ên  tawanbariyên  cur be cur :589

-Giliyên ji ber tawanbariyên cur be cur ku li hemberî zarokan hatiye kirin: 538

 -Zarokên ku bi parsek kirinê tên îstismar kirin:17

 Tevahî :6 hezar û 87

  (ch)