JINHA

AMED - 15'ê Sibatê,  sersala  komploya navnetewîye  ku  Serokê PKK'ê  Abdullah Ocalan teslîmî Tirkiyê hatibû kirin, dê li Amedê meşek girseyî were li dar xistin.

Di sersala 15'ê Sibatê de ku di sala 1999'an de Serokê PKK'ê bi komployek navnetewî teslîmî Tirkiyê hatibû kirin li Amedê bi pêşengtiya DBP'ê dê çalakî were li dar xistin. Daxûyaniya ku der heqê vê mijarê de hate dayin de hat diyar kirin ku, di 15 Sibatê de saet 12.00'an de, ji ber avahiya DBP'ê  heta Qada Şêx Seîd(Deriya Çiyê) dê meş were li dar xistin. 

Ji bo xebatên  meşê  di taxan de  komisyon hat ava kirin û 150 hezar belavokên destan hat amade kirin. Her wiha  ji bo bangawaziya meşê li hin xalên bajêr dê li billboarda pankart were daliqandin. Di daxûyaniyê de wiha hat gotin:'' Komploya navnetewî di şexsê Serokê PKK'ê Abdullah Ocalan de li hemberî gelê Kurd hatiye kirin. Divê gelê Kurd vê  komployê  vala  derxine û ji bo  azadiya Ocalan  bibin yek deng.Hemû kes ji bo tevlîbûnek xurt divê  bangawaziya meşê jî bikin.''

Ji bo şermezarkirina komployê  dê li hemû  mal û saziyan potên reş were daliqandin.

(ch)