JINHA

AMED/MÊRDÎN - Jinên li Nîsêbîn û Amedê li hevkombûn ji jinên girtiyên siyasî re qert û pirtûk şandin.Civîna meclîsa şaredariya Êlîhê ya meha Adarê jî jinan bi cilên xwe  yên heremî bi rêve birin.

 Li Amedê jinên Xebatkarê Şaredarî û endamên meclîsa taxan ya Yenîşehîrê  di çarçoveya 8'ê Adarê Roja jinên Cîhanê de  li Postaxaneya Ofîsê  ji bo ji girtîyan re qert û pirtûkan bişînîn li hev civiyan.Hevşaredara Yenîşehîrê Ulku Baytaş li ber postaxanê  daxwuyaniyek kurt da û dest nîşan kir ku  di roja 8'ê Adarê Roja Jinên Cîhanê  hemû rêxistinên cîhanê berê xwe dane Kurdîstanê û wiha axivî: "Sedema vê yekitiyê Şoreşa Rojava û berxwedana Kobanê ye.Em  weke jinên Şaredariya Yenîşehîr îsal care yekemîn pirtûkên me bi keda xwe stendiye ji bo em ji girtiyên jin re bişînîn li hev kom bûn.

Bijî rihê Kobanê ,bijî têkoşîna jina".Pişt daxwuyaniyê jinan  ji bo girtiyên li girtîgehên  cûda dimînîn qert û pirtûk şandin.

Jinan li Nîsêbînê jî jinên girtî re qert şandin

Li Nîsêbîna mêrdînê jî di pêşengiya KJA  di çarçoveya  xebatên 8 'ê Adarê Roja Jinên Kedkarên Cîhanê de  jinên Şaredariya Nisêbînê ji girtiyên Kurdîstan û Tirkiye  dimîne qert şandin.

Jinên li Navenda jinan a Gulşîlav  kombûnberbi postaxanê ve meşiyan.Li vir Hevşaredar Sara Kaya  roja hemû jinan  pîroz kir.Pişt dawuyaniyê jinan ji bo  jinên girtî qert şandin.Jinên bi durêşmên "Jin jiyan azadî"  ji postaxanê derketin bi def û zirneyan li taxa belavokên bi 4 zimanan hatin amadekerin banga 6-7'ê Adarê Meşa Jinên Cîhanê kirin.

Cîvîna meclîsê ya şaredariya Êlîhê jinan birêve bir

Cîvîna meclîsa Şaredariyê ya meha Adarê ya Şaredariya Êlîhê jinan bi rêve bir.Di civîna ku rojevên cuda cuda hat nikaşkirinde ji bi cilên heremî tevlî bû. Civîn di serokatiya Wekîla Hevşaredar Nûriye başçi hat lidarxistin

(ks/zt)