JINHA

RIHA - Cenazeyê Şervanê YPG'ê Jiyan Ergîn (Çiya Dêrîk) ê ku li Kobanê birîndarbûyî û ji bo dermankirinê anîn Rihayê û li Rihayê jiyana xwe ji dest da ber bi Dêrik a Mêrdînê ve hat oxirkirin.

Şervanê YPG'ê Jiyan Ergîn (Çiya Dêrîk) 19'ê adarê de di operasyonên azadkirina gundên Kobanê de birîndar bibû û ji Deriyê Sînor ê Murşîtpinarê re ji bo dermankirinê anîbûn Nexweşxaneya Dewletê ya Pirsûsê û pişt re sewqî Nexweşxaneya Lêkolîn û Perwerdehiyê ya Mehmet Akîf Înan a Rihayê hate kirin. Ligel hemû mudaxeleyan Çiya roja 20'ê adarê jiyana xwe ji dest da û cenazeyê wî şandin morga nexweşxanê. Piştî karên otopsiyê cenazeyê Çiya ji aliyê malbatê û MEYA-DER'ê ve hate wergirtin û ber bi navçeya Dêrikê ya Mêrdînê  ve derxistin rê.

Cenazeyên Çiya dê li goristana jor ya taxa Zeytînpinar bê definkirin.

(msd/zt)