JINHA

QAMIŞLO- Yekîtiya Jinên Suriyanî li taxa Wista ya bajarê Qamişlo, buroyek xwe bi marasîmekê vekir.Rêvebera Şaxa Yekîtiya Sûryaniyan a bajarê Qamişlo Nezîra Goriyê axivî û got: “tekoşîna hevbeş di navbera jinên kurd, ereb û suriyan de riya azadiya jinan vekiriye.”

Di marasîmê de Cîgira Meclîsa Rêveber a Rêveberiya Xweseriya Demokratîk Elîzabêt Goriyê, Serokê Desteya Mafê Mirovan Senherîb Bersom, Serokê Desteya Rêveberiyên herêmê û Şaredariyan Ebdulmesîh Cogir, Seroka Desteya Jinan Emîna Umer, nûnerên Rêxistina Yekîtiya Star û nûnerên Rêxistina Jinan a PYD’ê, amade bûn.

Marasîm bi deqeyeke rêzgirtin dest pê kir, piştre Seroka Yekîtiya Suryaniyan Şamîram Şemiûn derbarê rola jinên suriyanî di avakirina civakê de axivî. Paşê Rêvebera Şaxa Yekîtiya Sûryaniyan a bajarê Qamişlo Nezîra Goriyê axivî û got: “tekoşîna hevbeş di navbera jinên kurd, ereb û suriyan de riya azadiya jinan vekiriye”.

Di dawiya marasîmê de koma foklorê ya Ramîta ya zarokan derketin dikê û hinek dîlanên kurdî pêşkêş kirin. Piştî koma zarokan merasîm bi dawîbû.

(zt)