JINHA

NAVENDA NÛÇEYAN - Li Antalya û Rihayê nûçegihanên DÎHA'yê Dîlan Çelîk û Feyyaz Îmrak jî di nav de bi giştî 7 kes hatin binçavkirin. 

Li Antalyayê polîsan saetên serê sibê bi ser malên xwendekaran de girtin û di serdegirtinan de nûçegîhanê DÎHA'yê Feyyaz Îmrak û xwendekarên bi navê Amed Aydin, Sînan Tan, Denîz Yildiz û Dîlan Demîr hatin binçavkirin. 5 kesên ku hatin binçavkirin birin midûriyeta emniyetê a Antalyayê û tê gotin, dibe ku hejmara kesên bên binçavkirin zêde bibin. 

Li navçeya Heweng ya Rihayê nûçegîhana  DÎHA'yê Dîlan Çelîk û welatiyê bi navê Hasan Taş hatin binçavkirin. Ji bo sedema binçavkirinê agahî nehatin girtin. Dîlan Çelîk û HasanTaş birin midûriyeta Emniyetê. Saetên serê sibê Hasa serbest hat berdan.  Tê payîn ku di saetên pêş de nûçegîhana ajansa DÎHA'yê Dîlan Çelîk, sewqî dozgeriyê bikin.

(zt)