JINHA

NAVENDA NÛÇEYAN - Balafira rêwiyan a aîdî Balafirgeha Misirê ya ji Îskenderiyeyê ber bi Qahîreyî ve difiriye hat revandin. Balafira ku 81 rêwiyên wê hebûn, bi awayekî lezgînî li Kibrisa Başûr daket.

Balafireke rêwiyan a aîdî EgyptAir'ê, dema ji Îskenderiyeya Misirê ber bi Qahîreyê ve difiriya saet di 08.20'an de hat revandin. Hat diyarkirin ku qorsanê hewayî yê balafir revandiye bi çek bûye. Balafira hat revandin, saet di 08.50'î de li Balafirgeha Larnakê ya Kibrisa Başûr daket. Hat zanîn ku di balafirê de 81 rêwî hene. Li balafirgehê hemû firîn hatin betalkirin, hat diyarkirin ku xebatên muzakereyên kesima rûmî ya bi korsanan re didome.

(dt/zt)