Vîldan Atmaca / JINHA

WAN - Masiyên Încî Kefalî di cîhanê de tenê di Gola Wanê de dijîn. Lê ji ber ku di dema zêdebûnê de hêlîn û lûsê wan yên çem û delavan wêran dibe, neslê wan tune dibe. Bendav û ocaxên keviran ên li ser çeman tên avakirin hêkên masiyan tevan talan û tune dike.

Masiyên Încî Kefalî di cîhanê de tenê di ava soda de dijî. Ji ber ku ava soda tenê li Gola Wanê heye, Masiyên Încî Kefalî jî tenê di Gola Wanê de dijî. Lê ji ber neçîra şaş, talankirin û wêrankirina xwezayê masiyên ku bi tunebûnê re rû bi rûne di talûkeyê dene. Masiyên Încî Kefalî di mehên Nîsan û Gulanê de hêk dikin û zêde dibin. Nêzî 2 mehan jî dest bi koçê dikin û derbasî ava soda dibin. Ev masî dema hêk dikin diçin ava şêrîn ya çem û rûbaran de dijîn. Masiyên ku di çeman de hêk dikin û zêde dibin, bi talankirina xwezayê re hêkên wan jî tune dibin. Her çend di serdema hêkan de seyda van masiyan hatiye qedexekirin jî dîsa niha bi talankirina xwezayê tune dibe. Ji ber li ser çeman bendav tên avakirin û ocaxên xîz û keviran tên kolandin, hemû lûs û warê hêkên maziyan wêran dibe û cureyên van masiyan tune dibe.

Masiyên Încî Kefalî ji ber ocaxên kevir, xîz û bendavên li ser çeman tên avakirin di bin talûkeyek mezin de dijîn. Ji ber talankirina xwezayê Masiyên Încî Kefalî ku tenê li Wanê dijî bi tunebûnê re rû bi rûnê.Ger ku tedbîra vê yekê neyê girtin, ev masiyên ku niha zindî ne, dê di pîrtûkên cîrok û dîrokê de bên bibîranîn.

(mae/rc)