JINHA

TEKÎRDAG -Ji xwezahezan ji bo parastina ekolojiyê biryara têkoşîna hevpar hat standin. Li bajarê Traqya û Tekîrdagê 16 saziyên sivîl di bingeha Eregliya Marmarayê hatin cem hev û ji bo parastina ekolojiyê Platforma xwezay Marmaraya Eregliya avakirin.

Li navçeya Marmara Ereliya Tekîrdagê li ser biryara Wezarate Derdor û Bajêr li 2 heremên navçeyê termîk santral dê bê avakirin. Her çiqas li navçeya Marmara Erekliyê ji bo derxistina komûrê doz hatibe vekirin û hêj doz berdewam bike jî, Wezareta Derdor û Bajêr biryara çêkrina planên termîk santralê hat standin. Biryara Şûreya dewletê ku li navçeyê ji bo wê qadê ji bo cotkariyê hilberîna enerjiyê û jiyana bajarê hatibû standin, hat rawestandin û planên termîk santralê hat girtin. Ligel vê talankirina xwezayê xwezahez hatin çem hev û ji bo parastina xwezayê li bajarê Traqya û Tekîrdagê 16 saziyên sivîl Platforma Xwezay Marmara Eregliyê avakirin.

Parezerê Platforma Derdor a Marmara Eregliyê Seyhan Çetîn destnîşan kir ku navçeya Marmara Eregliyê ji dîrokê heya niha cihê kî a cotkariyê ye û got: "Divê ev qad ji bo jiyanekî ekolojîk bi her awayî bê parastin. Ev cih ji bo cotkariyê bir baş e û her wiha qada herî ekolojîk e."

Seyhan diyar kir ku bi çêkirina termîk santralê 127 mîlyon metrekup ava vexwarinê, 2 mîlyon û 200 hezar qadên cotkariyê û 1.800 hezar nîfûs dê bê talankirin û tune kirin. Seyhan aşkere kir ku bi oksîjenên ku ji termîk santralê derkevin jî zerarekî mezin dê bide derdorê.

(ho/rc)