JINHA

MÊRDÎN - Çareserbûna hêzên dewletê ya li hemberî berxwedana gel a Nisêbînê di roja 65. de berdewam dike. Plana bi navê 'kumişînê' ya li hemberî tevgera siyasî a kurdan her ku diçe ber bi kumişînê ve diçe. Hat îdîakirin ku POH'ên ku tevlî operasyonên li Nisêbînê dibin JOH'ên tevlî operasyonan dibin dişînin çeperên pêş û ev yek di nava leşker û polîsan de buye cihê nîqaşan. Wendahiyên leşkeran yên di demên dawî de vê yekê piştrast dike.

Berxwedana hêzên YPS û YPS-JİN'ê ya li hemberî êrîşên dewletê yên li Nisêbîn a Mêrdînê di roja 65. de berdewam dike. Wekî roja ewil hêzên dewletê nikarin bikevin taxên berxwedanê û nîqaşên di navbera Polîsên Tîmên Taybet (POH) û Leşkerên Tîmên Taybet (JOH) de her ku diçe kurtir dibe.

Di rojeva JOH û POH'ên ku tevlî operasyonên li heremê dibin de tenê nîqaş û pevçûnên di navbera leşker û polîsan de heye. Di hundirê nîqaşên leşker û polîsan de jî nexwestina tevlîbûna operasyonê ye. Ji aliyekî de ev nîqaş him buye sedema pêşneketina dewletê û ji aliyekî din ve buye encama çareserbuyîna planên li Kurdistanê. Di bingeha hemû nîqaşan de jî hêza endamên YPS û YPS-JİN'ê ye.

Her çiqas çapemeniya hawiz di nûçeyên xwe de bêjin "Hevkariya leşker û polîsan serkeftinê tîne jî" rastî û cihê ku hêzên dewletê lê ne vê yekê derewîn dike. Tiştên ku li Nisêbînê tê jiyandin, şîroveyên wekî "JOH û POH şerê nederketina operasyonan dide" tê nirxandin.

Hat îdîakirin ku hatina Serokê Serfermandarê Giştî Hulusî Akar ya cara duyemîn a Nisêbînê bi hinceta di cih de dîtina nîqaşên li Nisêbînê ye.

Hêzên şer yên desthilatdariya AKP'ê POH, JOH'ên li Nisêbînê dişînin çeperên pêş yên şer û hîn bêhtir leşker di pevçunan de jiyana xwe ji dest didin. Tê îdîakirin ku polîsên li Nisêbînê leşkerên li Nisêbînê dişînin çeperên pêş û ew li hîn paştir dimînin. Hejmara leşkerên ku di demên dawî de li Nisêbînê jiyana xwe ji dest dane vê yekê piştrast dike.

Hat zanîn ku pirsgirêka di navbera hêzên dewletê yên li Nisêbînê nêzî dû mehan didome, tevlî ku Hulusî Akar hat Nisêbînê jî çareser nekir û destvala vegeriya. Li gorî hejmarên fermî heta niha 65 endamên hêzên dewletê jiyana xwe ji dest dane û ji kesên jiyana xwe ji dest dane hîn bêhtir leşker in.

(kom/zt)