JINHA

STENBOL- Bedriye Ozdogan piştî hewldana darbeyê di êrîşa komeke ku hatin taxa Gazî de birîndar bû. Bedriyeyê da zanîn ku bi taybet taxa wan tê hilbijartin û wiha got: “Yên ten ne ji vê taxê ne. Em sê rojan bi fikar payîn ku wê komkujiyeke nû ya Gaziyê bê jiyîn. Di esasê de darbe li dijî civaka Elewî, li dijî Kurdan pêk tê.”

Piştî hewldana darbeyê serokkomar Recep Tayyîp Erdogan banga dakevin qadan kir û piştî vê bangê komên daketin qadan li cihên ku Elewî dijîn û yek ji van deran taxa Gaziyê bû. Gel li dijî êrîşan daketin daxan û piştre bûyer derketin. Di bûyerên derketin de jina bi navê Bedriye Ozdogan bi guleya ji çîma xwe girt birîndar bû. Bedriye k udi 16’ê Tîrmehê de ji bo biçe dawetê ji mala xwe derket, di nav êrîşa komên ku tekbîr dianî de ma. Ji ber teqîna çekan Bedriye ji çîma xwe birîndar bû.

'Komek bi cube tekbîr dianîn û dimeşiyan’

Bedriye têkildarî şeva birîndar bû de wiha got: “Êvar bû. Em diçûn dawetekê. Li nêzî qerekola polîsan komek bi cube tekbîr dianî û dimeşiya. Wesayîta polîsan jî ji kolanê derbas dibû. Di heman demê de gelê taxê daketibû kolanê. Dengê dirûşmeyan jî bilind bibû. Polîsa gaz avêt. Di wê navberê de gule li çima min ket. Min got qey kevire. Min dît ku xwîn diherike. Piştre ez birim nexweşxaneyê. Lê gule ji ber di cihekî bi xeter de bû nehat derxistin. Ji ber vê niza gule ji kê hatiye. Polîsan piştre hat îfade min girt. Lê ez bawer nakim ku wê tiştek bibe.

‘Bi zanebûn ev tax hilbijartin’

Bedriyeyê da zanîn ku yên hatibûn taxê, ne ji taxa wan bûn û got: “Ev 15 sale ez li vir rudinim. Li vir kesên wisa bi cube runanin. Ev ji derve hatibûn. Bi zanebûn vir tercih kiribûn. Ji ber piranî Elewî û Kurd li vir dimînin.”

'Me sê şevan nobet girt’

Bedriyeyê da zanîn ku yê daketibûn kolanan ji bo demokrasiyê daketibûn kolanan, ji bo pêşî li darbeyê bigirin daketibûn kolanan lê êrîşê taxên Elewî dikirin. Bedriyeyê wiha got: “Li dijî êrîşan gel neçar ma xwe bi parêze. Hemû taxê sê rojan nobet girt. Em bi fikar payîn ku komkujiyeke nû ya Gaziyê bê jiyîn.”

(rt-ga/hu)