JINHA

MINBIC- Pêngava Şehîd Fermandar Ebû Leyla ya ji bo rizgarkirina bajarê Minbicê, hem li navenda bajêr li kolanan, hem jî li gundên derdorê bi rengekî serketî dewam dike.

Duh êvarê saet di 19.30 de, di navbera şervanên Meclîsa Leşkerî ya Mibicê û çeteyên DAIŞ'ê de li gundê Cib El-Neşame yê li başûrê Minbicê ye, şer derket. Şerê li vê derê heta ber destê sibehê dewam kir û di encamê de gund ji çeteyan hat rizgarkirin. Şervanan li gund dest bi karê lêgerîn û paqijkirinê kirin.

Di şerê duh bi şev de, 23 çete hatibûn kuştin. Her wiha wesayîtek bombebarkirî ya çeteyan beriya ku bigihêje hedefa xwe, hatibû rûxandin.

(dt/rc)