Filiz Zeyrek/JINHA

EDENE- Şêrîn Ahmed a Rojavayî diyar kir ku ew ji ber zilma DAÎŞ’ê neçar mane hatine Tirkiyeyê, lê li Tirkiyê jî rastî heman zilmê hatine û hevjînê wê ev 9 mehe bê sedem di girtîgehêde ye. Şêrînê got: “Dema hevjînê min ji girtîgehê derbikevê ez deqeyekê li Tirkiyê nasekinim û ezê vegerim ser axa xwe.”

Rojavayiyên ku ji ber zilma DAÎŞ’ê neçar mane koçî bajarên Tirkiyê bikin gotin ku ew li vir jî rastî heman zilmê tên. Şêrîn Ahmeda (30) dayika 2 zarokan li taxa Dîkîlî ya giredayî navçeya Seyhana Edenê jiyan dike, ev 9 mehe hevjînê wê di girtîgehê de ye. Şêrînê got ku hevjînê wê bi hînceta ‘Endamê rexistinê ye’ ev 9 mehe di girtîgehê de ye û wiha berdewam kir: “Em poşman in ku em hatine Tirkiyê. Dema hevjînê min derbikevê em ê herin ser axa xwe azad bijîn.”

'Hevjînê min bi mehane di girtîgehê de ye’

Şêrînê bi lêv kir ku 9 meh berê polîsan avetiye ser mala wan û ev tişt anîn ser ziman: “Hevjînê min bi mehane di girtîgehê de ye. Min li kolanê şalek û kazaxek dîtibû û ji bo hevjînê min li ser kar li xwe bike, min anî malê. Lê bi hînceta ‘Di çalakiyê de ev cil li xwe kiriyê’ hat girtin û ev bi mehaye hevjînê min di girtîgehê de ye. Ev tiştek çawaye hişê min nagirê. Em li ser axa xwe azadbûn lê em rastî êrîşan çeteyan hatin. Gelê Tirkiyê her tim me dilmayî dike. Dema em diçin nexweşxanê ku em dibêjin em gelê Sûrînê bi me re eleqedar nabin û tinazê xwe bi me dikin. Me jî nedixwest em bên li Tirkiyê bijîn. Em ji ber zilma DAÎŞ’ê di vî halî de ne û bila pirsa vî halê me ji yên ku piştgirî didin DAÎŞ’ê pirs bikin.”

'Dema hevjînê min ji girtîgehê derbikeve em vegerin ser axa xwe’

Şêrînê da zanîn ku dema ew diçe hevdîtina hevjînê xwe rastî tundiyan tê û wiha axivî: “Bi rastî dema ez diçim hevdîtinê wek ku em rastî îşkence tên, zehmete. Heya em destura hevdîtinê distînin dilê me reş dikin, yanî wek îşkenceyê hevdîtina me. Dema hevjînê min ji girtîgihê derket em daqîqayêk jî li Tirkî nasêkin in. Em ê vegerin ser axa xwe. Dibê ku dema em vegerin em zehmêtî bikişîninn, bês emê liser axa xwe bijî ev besê. We hevalê me li wir bi parêzin.”

(dt-hu)