JINHA

MÊRDÎN – Piştî li Nisêbînê qedexeya derketina derve beşek hat rakirin şûnde serdanên ji bo bajar destpêkirin. Yek ji van serdanên herî bi wate ji Sîlopî û Cizîrê hat. Jinên ketin bajar gotin ‘Roj roja dest dayîna hev e’ û banga piştevaniyê kir.

Li Nisêbînê nêzî 5 mehan qedexeya derketina derve berdewam kir û qedexe beşek hat rakirin. Piştî vê serdanên ji bo bajar destpêkirin. Serdana herî bi wate jî ji aliyê heyeta Sîlopî û Cizîrê pêk hat. Jinên ji Sîlopî û Cizêrê hatin gotin ‘divê em destê xwe bidin hev û xwedî lihev derkevin.’

'Divê Kurdistan dest bide hev’

Cigira Hevşaredara Sîlopiyê Besê Cevîz diyar kir ku li Nisêbînê li 6 taxan qedexe berdewam dike û wiha got: “6 tax bi awayekî hovane hatine hilşwenadin û texrîbkirin. Nahêlin mirov biçin malên xwe, xaka xwe bibînin. Bi têlan pêçane. Li Şirnexê ev 3 mehe pevçûn sekinîne lê nahêlin gel biçin malên xwe. Berxwedana Sîlopiyê didome. Divê hemû Kurdistan dest bidin hev. Ez bang li her çar parçeyê Kurdistanê û kurdênli Ewropayê dikim ku bila tevlî kampanyaya xwişk-bira bibin.”

'Berxwedanek mezin hat dayîn’

Endama PM a HDP’ê Nuran Îmîr diyar kir ku ji Cizîra Botanê bo Nisêbîna Rengîn serdana piştevaniyê pêkanîne û balkişanser zilm û hovîtiya hatiye jiyîn. Nuranê wiha got: “Bêguman ev zilm û hovîtî ti car nehat qebûlkirin. Têkoşîna hatiye dayîn ji bo me mînake. Li dijî komkujiya li ser nasname û xaka me têkoşînek mezin hat dayîn. Hêviya me ji hemû gelan û gelê me eve ku xwedî li gelê Nisêbînê derkevin û berê xwe bidin gelê Kurd.” Nuranê got divê rihê neteweyî derkeve pêş û têlên li dora Nisêbînê hatine pêçan neyê qebûlkirin.

'Me dest ji doza xwe berneda’

Hevseroka DBP’a Cizîrê Zerrîn Aslanê ji bo kampanyaya ‘xwişk-bira’ ya ji bo Nisêbînê hatiye destpêkirin bang kir û û got: “Bila kes çavê xwe negire û gûhê xwe negire. Roj roja dest dayîna heve. Roj roja mezinkirina biratiyê ye. li Cizîrê hîna me xwe negîhandiye hemû cenazeyan. Hîna birînên me kurin. Xaniyên me hildiweşînin. Me dest ji doza xwe bernedaye.”

(kom/hu)