JINHA

HESEKÊ- Komîteya xebata pêngava serjimariyê ya “Ez li vir im” di çarçoveya berdewamiya serjimariya Kantona Cizîrê de dê sibeyê li bajarê Hesekê û gundûwarên wê û herwiha bajarokan serjimariyê bike.

Dê sibeyê li bajarê Hesekê, gundewarên wê û bajarokên wek Şedad û Holê jî serjimarî were kirin. Komîteya xebata pêngava serjimariyê ya bi dirûşmeya "Ez li vir im" li tevahiya Kantona Cizîrê dest bi serjimariyê kiriye, derveyî Qamişlo û Hesekê li bajarên din serjimarî pêk anî. Endamên Komîteya ragihandin ku amadekariyên wan bi dawî bûne û mamoste û komîn dê ji bo vê xebatê bibin alîkar.

Ji bo serjimariya sibeyê ya li Hesekê, Yekîtiya Ciwanên Rojava jî ji bo gel agahdar bikin li taxên bajêr digerin û bang li welatiyan dikin ku ji tevahiya xebatkarên serjimariyê re bibin alîkar.

(ee-ls/en/rc)