JINHA

ŞEHBA – Eniyên Jinên Şehba li hember wesaytek doçka ya çeteyên DAIŞ'ê çalakî pêk anîn. Di encama çalakiyê de wesayît bi temamî hat rûxanidin. Her wiha artêşa tirk êrîşên xwe ji nûde bir ser nuqteyên hêzên şoreşger ên li gundên Hesiye, Um El-Qura, Um El-Hoş û Herbel ên rizgarkirî kirin.

Çeteyên DAIŞ'ê yên ku li Mûsilê hêdî hêdî têk diçin êrîşê bajarên din dikin. Eniyên Jinên Şehba li gundê Herbel ya Şehbayê çalakiyek bi bandor li hember wesayîtek doçkayê pêk anîn. Li gorî agahiyên nûçegihanên me, hat gotin ku di encama çalakiyê de wesayîta doçkayê bi temamî hatî rûxanidin û gelek çete hatine kuştin.

Li aliyê din îro artîşa tirk û çeteyên Koalîsyona Sûriyê ên girêdayî wan, êrîşî gundên Um El-Qura û Hesiya ên girêdayî Şehba û gundên Um El-Hoş û Herbel ên bakurê bajaroka Marii kirin. Bi êrîşan re bi aweyek hemwext artêşa tirk nuqteyên hêzên şoreşger ên li van gundan topbaran dike.

Topbaran li herêmê berdewam dike.

(so/rc)