JINHA

QAMIŞLO -Jinên bajarê Qamişlo di 24'emîn salvegera têkoşera azadiyê Bêrîtanê de merasîma bîr anînê pêk anîn û helwe belav kirin. Jinan di serî de helwa belav kirin û paşê derbasê Goristana Şehîd Delîl Saroxan bûn.

Li bajarê Qamişlo endamên Kongreya Star, Mala Jinê, Rêxistina Sara, Desteya Jinê, Weqfa Jina Azad û komîn û meclîsên bajêr, li Mala Jinê ya li taxa Qenat Swês hatin gel hev, helwa hat belavkirin. Paşê jin bi tilîlî û nîşana serkeftinê çûn Goristana Şehîd Delîl Sarûxan.

Li goristanê jî jinan sînevîzyona li ser kesayet û jiyana Bêrîtanê hatibû amadekirin temaşe kirin. Paşê fîlma bi navê 'Bêrîtan' ku ji hêla derhêner Xelîl Dag ji bo vegotina berxwedanî û çalekiya Bêrîtanê hatiye çêkirin hat temaşekirin.

Jinan bi dirûşmeyên "Şehîd Namirin" û "Jin, Jiyan, Azadî" dawî li bîranîna xwe anîn.

(şz/jc/rc)