Besê Erzincan
 
Xoverdayîşê Botanî de cenîyî rayna tewr vernîya xoverdayîşî de cayê xo gênî. Dewleta tirkî ya faşîst û dagirker tewr zaf cenî û ciwanan kena hedef. Ger ke bêro vîrê şima Kurdistan de serewedaritişê sifteyîn û cîddî Cizîr, Nisêbîn û Silopîye de aver şîybî û rayberîya nê hişyarbîyîşê ke destpêka serrê 90’î ra cenîyî rayberî kerdbî.
 
Xebatê ke embaza Binevş Agal (Berîvan) mîyanê şarî de da meşnayîş qet nîno vîrkerdiş. Rayna xoverdayîş û cesaretê aye ya dijî dişmenî de aqilê merdimî ra nêvejyeno. Vindertişo azad a embaza Berîvane, rayîrê azadîye ke êdî dest pê ziwabîyîşî kerdbî newe ra awe da û bi no hawa dara azadîye newe ra vilî akerd. Rayna bi vindertişê embaza Berîvane Cizîr de cu û têkîlîya kanî xira bî û serdemêko newe dest pê kerd û bi no hawa rayîrê cuya newe abî.
 
Cizîrijî heta nika vindertişê embaza Berîvane vîrî nêkerdî û aye dekerdî quncikê heme cuya xo. Cizîrijî zaf baş fam kerdî ke bi rûmetbîyîş û xoverdakarbîyîş, Berîvanbîyîşî ra vîyareno. Ruh û vindertişo mîlîtan a Berîvane bi sebeb ke damarê welatperwerîya Botanî hîna girdêr bibo.  Botan yeno manaya   Berîvan- Binevş Agalî.
 
Şarê Cizîrî dijî hêrişê faşîst û hovane bi awayo egîd xover dano. Çimê heme dinyaye ti vanî qey cemedîyayo. Mîyanê modernîteya kapîtalîstî ke hişê merdimî hewna keno de çîyê ke benî baş nînî famkerdiş. Wazenî hilmo azad ke Botan de mendo bifetisnî. Tewr peynî kesayetîya embazê Sêvê, Fatma û Pakîzeye de ruhê xoverdakarî biqedênî. Kerbê hêzê faşîst a tirkan a dijî cenîyê kurdî yeno famkerdiş. Xoverdayîşê cenî û şarî nînan bi temamî cuye ra dir akerdo û wina kerdo ke sey yew qaşikî veradayo.
 
Cizîr de damarêko azad a kurdî virazyayo û heme Kurdistan zî no damarî ra çîyo ke lazim o bigîro rewna girewto. Ma nê rojan de dormeyê Botanî de ganîbîyîşê elewîye vînenî û no raya sifteyîn o ke hende bi hêz o. Ez bawer kena ke do hîna bi hêzêr bibo û rîyê elewîyan ke nêzdîyê merdimî yo do hîna zafêr Botanî reyde bikelo û damarê azadîye do hîna bi hêzêr bivirazyo. Xilasbîyîşê Dêrsimî, Cizîrî ra, Botanî ra û Amedî ra vîyareno. Xilasbîyîşê Amed, Botan û Cizîrî zî girêdayê Dêrsimî yo.
 
Cenîyê ke ameyî beşdarê Tevgerê Azadîye benî Kurdistan û heme Tirkîya ra ameyî, beşdar bî û têkoşînêko gird dayî. Şehîd û qehremanê ma yê tewr gird bîyî. Bi kesayetîya cenîyan de nika ra yewîya şarê Rojhelato Mîyanên, Tirkîya û Kurdistanî virazyayo. Dormeyê azadîye de kombîyayîşê cenîyan rewna awayo azad û zeypêya yewbîyayîşê şar û bawerîyan viraşto.
 
Xoverdayîş û serewedaritişê ke Cizîr de kesayetîya Berîvan de dest pê kerd, eyro bi heme lezîya xo dewam keno. Raverêyeya ke Sakîne Cansizan ra dest pê kerd, Berîvanan reyde dewam kerd û kesayetîya Sêvêyan de no meşyayîş awayo bi hêz dewam keno. Cenîyê kurd mîyanê no xoverdayîşî de awayo bi bire û bi cesaret meşyenî. Beno ke bedelê ma bibî la ma do tesilî ser bikewî.
 
Ji navnîşana Azadiya Welat http://www.azadiyawelat.info/ hatiye girtin