JINHA/Zeynep Akın

ÊLIH - Malbata Mahmud ya ji ber êrîşên çeteyên DAÎŞ'ê ya mal,ax û jiyana wan hatine talan kirin neçar mane û hatine Tirkiyê, niha jî keda wan tê binpêkirin. Wetha Mahmud anî ziman ku tevî dû zarokên xwe ve di fabrîkayê de rojê 10 seatan dixebitin û mehê tenê 500 tl qezenç dikin.

Malbatên Rojava yên ku ji qetlîma çeteyên DAÎŞ'ê xilas bûne hatine Tirkiyê lê li vir jî rastî bînpêkirina kedê tên. Malbata Mahmud ya ku li bajarê Hesekê dijiyan sala borî ya ji ber êrîşên DAÎŞ'ê reviyan û neçar man ku axa xwe biterikînin, koçkirin û hatin li Elîhê bi cîh bûn. Malbata ku ji 9 kesan pêk tê li vir jî tengasiya aboriyê dikşînîn. Jina bi nave Wetha Muhammed Mahmud ya 35 salî û dayika 6 zarokane anî ziman ku wan nexwestine axa xwe berdin lê neçar mane ku koç bikin û wiha axivî: '' Ez bi dû zarokên xwe ve rojê 10 seatan zêtedir dixebitim ku karibim debara mala xwe bikim lê em mehê tenê 500 tl qezenç dikin. Em dizanin keda me tê binpêkirin lê em mecburin kar bikin lewre em ê birçî biminîn.

'Me axa xwe ber nedida lê em neçar man'

Wetha diyar kir ku piştî erîşên sê salan disa li Hesêkê jiyan kirine lê ji ber ku av,ceyran,kar,mal û xwarinên wan tunebu pir zehmetî kişandine û got: '' Zarokên min gellek tişt dîdîtin û ditirsiyan. Me axa xwe ber nedida lê em neçar man. DAÎŞ axa me dagir kir û gel qetil kirin. Gelek xizmen me hatin kuştin. Çeteyan zirarê dan hemû mirovahiyê. Gelo wê hesabên vê çawa bidin?''

' Bûhaya xebata 3 kesan a mehê 500 TL ye'

Wetha bilêv kir ku bi zarokên xwe yên temenê wan 12 û 14 ne di fabrîkayê de dixebitin û axaftina xwe wiha domand " Em sibê seat 08.00'an de dest bi kar dikin û rojê herî kêm 10 seatan dixebitin. Lê em beramberî ve kedê mehê tenê 500 TL qezenç dikin. Em mexdurê şer in, ji welateki çune welatekî din bistar bûne. Em mecbûrin bixebitin lewre em ê birçî biminîn. Em di fabrîkaya potê zarokan de kar dikin. Em bi hezaran potê zarokân çêdikin lê tenê 250 tl digrin. Em ji mal tevî dû zarokên xwe ve dişûxilin û mehê 2 ton potê zarokan çêdikin lê tenê 500 TL qezenç dikin. Em pir diwestin,perê em digrin jî 250'ê TL didin av,ceyran û kirya malê.

'Alîkarî nagihîje destê me'

Wetha di berdevamiya axaftina xwe wiha got: ''Hevserê min ji her dû piyên xwe nexweş e. Ez dizanim zarokên min biçûk in lê ji bo debara mala xwe bikin divê em bixebitin. Wetha axaftina xwe wiha bi dawî kir: ''pêwistiya me bi eşya û erzak heye,gelê Elîhê gelek alîkarî da lê ew alîkariya hatiye ne gihiştiye destê me. Di taxan de ji bo alîkarî bigihêje cihê xwe kesek tê hilbijartin ew kesê tê hilbijartin jî yê Suriyê ne,lê alîkariya tê nagêhê je destê me. Alîkariye ji bo me tê an difroşin an jî ji bo xwe hildidin. Divê alîkariye tê kesên berpisyar bi xwe belav bikin. ''

(pk/ch)