Vildan Atmaca / JINHA

WAN - Ji bo kar û xebat jinên Payîzava bê zêdekirin di binesaziya şaredariyê de atolya merşê a ku vebûye, jin di qadê xebatê de cih digrin. Jinan diyar kirin ku hebûna atolya hem di warê civakî, hem aborî û hem jî çandî qadê wan fireh dike û gotin ew li her qadê jiyanê hene.

Şaredariya Payîzava bi armanca avakirina qadên aborî, civakî û çandî ji bo jinan xebat dide meşandin. Ji bo berfireh kirina qadê xebatê Şaredariya Payîzava atolya merşê vekir. Atolya ku derfetê xebatê ji bo jinan avadike, ji aliyek aboriya xwe pêk tînin ji aliyê din çandê merşê didin jiyandin. Mamosteyê qursê Nuriye Gongor derbarê atolya de agahî da û got atolya berî salek û nîv hatî vekirin û anî ziman bi sayê atolya jin tevlî jiyana aborî bûne.

'Jinên di atolya yê de çandê me didin jiyandin'

Nuriye diyar kir ku jin di qadên xebatê de dibêjin "Em jî hene" û wiha pêde çû, "Pîrika min berê digot dema jin dihatin ba hev merşan çêdikin. Çêkirina merşan di çanda Kurdan de xwedî cihek girînge. Em wek jin çanda ku berbi tune bûnê ve diçe ji nûde didin jiyandin. Êdî çand nûjen dibe. Nifşên nû jî dê vê çandê bibînin. Jinên di atolya yê de çandê me didin jiyandin. Di bunya kooperatîfê de wê merş bên firotin. Xebatê me piştî mehek dê biqede."

'Êdî em pere didin mêran'

Derya Kanbe jî wiha got, "Cihê ku mal rûnim ez têm dixebitim, wiha ez piştgirî didim malbatê û tevlî civakê dibim. Xebatek xweşe û ji bo jinan bi sûde. Sibê saet nehan em tên û heya saet çaran em dixebitin. Ev xebat jiyana komînalbûnê jî pêşdixe. Jinên ku zarokên wan heyî tînin atolya yê. Em wek jin êdî ne mûhtacê mêranin. Êdî em pere didin mêran. Jin mesrafên dibistanê jî pêşwazî dike."

'Bi sayê xebatê li mal ahangiya wekhev avabûye'

Işik Taniş wiha got, "Ji bo aboriya xwe bi dest bixim li atolyayê min dest bi kar kir. Ev xebat ji bo min û zarokê min gelek bi sûde. Êdî pêdiviyê zarokên xwe tev pêşwazî dikim. Li malê bi sayê xebatê ahangiya wekhev avabûye. Çêkirina merşan dilê me rihet dike û têkiliyên me berfireh dike."

(rc)