Piroz Zırıg/JINHA

DÎLOK – İncil Selçuk di dadgeha Dîlokê de ji bo kurdên li metrepolan zimanê xwe parastine wergervaniyê dike. İncil a ku bi laçika sipî tê nasîn diyar kir ku ew ji kurdî gelek hes dike.

İncil Selçuk yek ji xebatkara Dadgeha Dîlokê ye. İncil ji bo yên xwe bi kurdi diparêzin wergervaniyê dike. Ji bo ku zimanê xwe yê dayikê hîn baştir bizane li KURDî-DER’ê perwerde dîtiye. İncil da zanîn ku ew karê wergerê bi muçe dike, lê bi hînceta dîlên parastina xwe bi kurdi dikin tirkî dizanin muçe nadinê û wiha got: “Ez bi dildarî dikevim dozan.”

'Tiştên min bi tirkî guhdarî dikir bi kurdî dinivîsî'

Dayika 3 zarokan İncil a 42 salî li gel malbata xwe ji gund koçî Dîlokê dike. İncil destnîşan kir ku piştî wê koçî meterpolan kiriye gelek bêriya ziman û axa xwe kiriye û wiha domand: “Bêguman wê demê sitranên kurdî qedexebûn. Min muzîkên tirkî guhdarî dikir û wergerî kurdi dikir. Bi Azadiya Welat min dest bi xwendin û nivîsandinê kir. Tine hesibandina zimanê min di hindirê min de lêpirsîn vedikir. Min pirsên ‘Zimanê min heye, ez heme çima têm înkarkirin?’ ji xwe dikir. Her bajarê diçumê min biyanîbûn jiyan dikir. Derî, kolan û tax hemû ji bo min biyanîbûn, ev hîn zêdetir ji bo min giranbûn.”
İncil bilêvkir ku di mala wan de ji derveyî bavê wê tenê wê tirki dizanî û wiha berdewam kir: “Dema ku dayika min wan diçun nexweşxanê ji ber tirkî nedizanîn, min wergervaniya wan dikir.


'Di bendêmayîna dadgehê de pirtûk dixwînim'

İncil anî ziman ku dema parêzeran ji KURDî-DER’ê wergervan xwestîn ewê dadgeh naskiriye û wiha dom kir: “Dema ku girtiyên siyasî bi kurdî îfade didan wergervan nebûn. Min bi dildarî destpêkir. Dema ku girtiyên siyasî weke wergervan ez li hemberî xwe didîtin gelek şanaz dibûn, ji ber ku laçika min a simgeya kurdîniyê ya sipî didîtin. Di korîdorên dadgehê de dema ku li benda runiştina dozan disekinim pirtûkan dixwinim, her kes bi şaşwazî li min dinêrin.”

(zt)