JINHA

WAN - Lîstika futbolê ya ku di navbera Tîma jina ya fitbolê ya bingeha Şaredariya Bajarê Mazin a Wanê û Tîma jina ya futbola Ovacıka Karabûkê de hate lîstin, Tîma jinan a Wanê bi 1-0 bi serket.

Tîma Jinan a Futbolê ya Wanê li dijî Tîma Jinan a Futbolê ya bingeha Navçeya Ovacıka Karabûkê listika futbolê hate lîstin. Lîstika futbola jinan ku li stadyûma Atatûrkê pêk hat ji aliyê gelek jinan ve hate temeşekirin. Listikvanên jin bi kincên rengê sor û reş dan berxwe bi kelecanekê mazin futbol dest bi maça xwe kirin. Jinên ku tevli temaşekirina futbolê amade bûn jî bi tezahûretan pişgiriyê dan listikvanên jin. Di beşa listika futbolê ya yêkemin da listikvana tîma Wanê ya bi navê Gulcan Tûrker gola yekemîn avêt. Gola ku hate avêtin bu sedema coş û kelecaneke mazin.

'Ev serkeftin ji bo Amedspor bû'

Di navbera beşa yekem û dûyem da listikvanê Tîma Wanê Gulcan axivî û diyar kir û ew hemû jin gelek keyfxweş û bi hêzin. Gulcan da zanîn ku piştî vê maçê dê biçin Agiriyê û li hemberî tîma Futbola Jinan a Agiriyê bilîzin, hêvîya me ew e ku em dîsa bi serkevin.

Gulcan di dawiya axaftina xwede piştgiriyê da Amedspor û got ku serkeftina wan a îro jî ji bo Amedsporê bû. Lîstika futbolê ya di navbera Tîma jinan ya futbolê ya Wanê li gel Tîma Navçeya Ovacıka Karabûkê qewîmî bi 1-0 bi dawî bû.

(hk-db/rc)