JINHA

ŞIRNAK – Li Cizîrê Dayikê Şemiyê çalakiya xwe ya 331’min li dar xistin.Vê heftê Çiroka Ahmet Ustun ji aliyê Abdulkerim Pusat ve hat vegotin. Abdulkerim diyar kir ku ew û Ahmet Ustun bi hev re dibin çavan debûn û wiha got: "Rojekê pirî İşkence pê kiribûn destê wî negirtin nan bixwe min bi xwe nan bi devê wî ve kir.”

Dayikê Şemiyê li navçeya Cizîra Şirnexê di çalakiya xwe ya hefteya 331’an de jî dad xwestin. Dayikê Şemiyê vê hefteyê jî ji bo ku failê xizmên wan bên ceza kirin li Kolana Hunerê ya Cizîrê hetin cem hev û pankartê ku albuma wêneyê xizmê wan li ser bû raxistin. Hevşaredara Cizîrê Leyla Îmret, Nûnerê İHD’ê , MEYA- DER, KURDÎ-DER û gelek welatî tevli çalekiyê bûn. Di çalakiya vê heftê de aqubeta Ahmet Ustin ê ku ji gundê Şaxê yê Cizîrê ku di sala 1994’an de ji aliyê JÎTEM ê ve hat girtin û carekedin tu agahî jê nehat stendin hat pirsîn. Çîroka Ahmet ji aliyê Nûnerê ÎHD a Cizîrê Abdulkerim Pusat ve hat xwendin. Abdulkerim got ku ew Ahmet di heman demê de di bin çavan de bûne û wî çend çaran Ahmet dîtiye û wiha axivî: "Heta Rojekê pir İşkence pê kiribûn destê wî negirtin nan bixwara. Min bi xwe nan bi devê wî ve dikir. Pişê çi bi wî hat ez nizanim.” Abdulkerim diyar kir ku wê demê Cemal Temizoz, kesên navê wan Firat, Adem, Yavuz, peywirdar bûn hemu diyarin lê nayên ceza kirin e û ev tişt got: “Cemal Temizoz berpirsiyarê kuştina gelek kesên bê gunehe, lê mixavin dewlet Cemal Temizoz û hevalê wan berdane. Divê niha wan kesan cezayê muebetê bixwara.”

Piştî axaftinan çalakvanan 5 deqeyan çalakiya runiştinê li dar xistin û apê çalakî bi dawî kirin.

(ma/zt)