JINHA

AMED - Komxebata Ziman û Perwerdê ya KCD'ê despêkir. Parlementera HDP'ê ya Qersê Mulkiye Birtane diyar kir ku li gel li Tirkiyê bi 28 zimanan tê axaftin jî ew zuman hemû ber tinebûnê diçin û got: "Pergala deshilatdar ser gelên ku rêbazên dewleta yekane perez napejirîne qirkirinê dike. Ji ber wê jî em di pêvajoya hilbijartinê ya giring re derbas dibin. Ji ber dema em gihiştin serkeftinê despêkê zagonîkirina perwerda bi zimanê dayîkê ye."

Li Amedê "Komxebata Polîtîkaya Ziman û Perwerdê" ya ji aliyê Kongra Civaka Demokratîk ve amadekariyên wê hatî kirin despêkir. Di Komxebata li Salona Resepsiyona Herêma Jiyana Hevbeş ya Sumerparkê hat li darxistin de Parlementera Qersê Mulkiye Birtane, Komisyona Ziman û Perwerdê ya KCD'ê ya ji saziyên weke Wexfa Mezopotamya, Egitim - Sen, KURDÎ-DER û Maper li gel nûnerên saziyên Rojava amadebûn. Axafitna vekirinê ji aliyê Mulkiye Birtane ve hat kirin. Mulkiye hilbijartinên giştiyên 7'ê Hezîranê nîşanda û got: "Ev xebat jî yek ji xebatên me yên hilbijartinêne. Ji ber dema ku em bi serketin emê di derberê perwerda zimanê dayîkê de zangonan derxînin."

'Ji ber sazumaniya dewletê gel di qirkirinan re derbasbûn'

Mulkiye balkişand ser di rojên derbasbûyî de 23'ê yê Nîsanê Roja Cejna Zarokan û wiha axivî: "Ev cejin ne cejna zarokên ji aliyê hikumetê ve tên qetilkirin û ji mafê zimanê xwe yê dayîkê bê par dimînine. Ji xwe rojek wiha qet çênebû." Mulkiye ji bo 24'ê Nîsanê salvegera qirkirina ermeniyan jî wiha nirxandin kir: "Li Tirkiyê qirkirinek hat jiyandin. Ji bo ku êdî ser vê erdnîgariyê qirkirinên wiha neyên jiyîn divê xebat bê kirin."

Mulkiye diyar kir ku li gel li Tirkiyê bi 28 zimanan tê axaftin jî ew zuman hemû ber tinebûnê diçin û got: "Pergala deshilatdar ser gelên ku rêbazên dewleta yekane perez napejirîne qirkirinê dike. Ji ber wê jî em di pêvajoya hilbijartinê ya giring re derbas dibin. Ji ber dema em gihiştin serkeftinê despêkê zagonîkirina perwerda bi zimanê dayîkê ye."

(zt)