JINHA

NAVENDA NÛÇEYAN - Li welatê Nepalê bi şîdeta 7.9 erdehejek pêk hat. Wezareta Karên Hundir a Nepalê diyar kir ku di erdhejê de zêdetirî 688 kesan jiyana xwe ji dest daye.

Li gorî enstîtuya Jeofîzîk a Amerîkayê, erdhej 80 km li bakurê rojavayê paytext Katmandu, 70 km dûrî bajarê tûrîstîk Pokhara û 15 kîlometre di bin erdê de pêk hatiye.
Çapemeniya herêmê diyar kir ku, erdhej di navbera 30 saniye û du deqeyan de dewam kiriye. Erdhej li paytexta Hîndîstanê Yenî Delhî jî hate hîskirin. Rayedarên Nepalî diyar kirin ku, li geliyê Katmandu ku 2 mîlyon û nîv mirov lê dijîn, zirareke mezin a madî rû daye. Hate gotin ku piranî avahiyên kevin hilweşiyane û gelek rê girtine.

Wezareta Karên Hundir a Nepalê destnîşan kir ku di erdhejê de zêdetirî 688 kesan jiyana xwe ji dest daye.

(rc)