JINHA

İZMİR - Hat hînbûn ku li Girtîgeha Şakranê 3 zarokên temenê wan ji 18 saliyê kêmtir girtine hucra yek kesî û li gel nexweşiyên wan hene jî nabin revîrê. Ji bo lêkolînkirina bûyerê nûnerên TAY-DER, OHD û Parlementerê HDP'ê Ertugrul Kurkçu çun girtîgehê.

Girtîgeha Şakranê ya her dem bi sepandinên xwe yên ser zarokên girtî di rojevê deye niha jî bi zêdebûna bêmafiyên xwe yên ser girtiyên zarok derket holê. Di nameya ku girtiyên jin yên Girtîgeha Şakranê bi rêya parêzerên xwe şandî ji derve de carekdinê taboya giran ya ser girtiyên zarok radixe ber çavan û balê dikişîne ser ekîbên tayîbet yên ji bo ser girtiyan îskenca derunî bidin meşandin hatîn avakirin. Girtiyên jin di nameya xwe de diyar kirine ku 3 zarokên temenê wan ji 18 saliyê kêmtir bi hinceta ducanî ne ji qawîşên wan derxistine û birine hucreyên yek kesî.

Di nameyê de hat zanîn ku li gel 3 zarokên ducanî di êşin jî wan naşînin revîrê, wan bi zorê radikin ser lingan û tevlî hijmarê dikin. Her wiha di nameyê de hat destnîşan kirin ku hinek gardiyan dema ku dikevin hindirê qawîşê komendaya tv yê di destê zarokan de dibînin ser wan de diçin û bêmafiyê li wan dikin.

Piştî ku agahî di çapemeniyê de belavbû ji bo lêkolînkirina bûyerê nûnerên TAY-DER, OHD û Parlementerê HDP'ê Ertugrul Kurkçu çun heman girtîgehê. Tê payîn ku di saetên pêş de heyet daxuyaniyekê bidin.


(zt)