JINHA

NAVENDA NÛÇEYAN - Koordînasyona KJK'ê ji ber erd hejê ku li Nepalê pêkhatî peyam da. Di peyamê de wiha tê gotin: "Em ji bo gelê Nepalê sersaxî dixwezin û dibêjin dil û mejiyê me bi wereye."

Koordînasyona Komeleya Jinên Kurdîstan (KJK) daxûyaniyek nivîskî ji bo erd heja ku li Nepalê pêkhatî de da. Di daxûyaniya KJK de wiha hat domandin: "Em weke Tevgera Azadiyê Jinên Kurd, di encama erd heja dijwar ya ku li welat pêkhatiye,bêhtirî 2 hezar kes jiyana xwe ji dest daye û bi hezaran kes birîndar bûye,me bi xemgînî pêşwaz kir. Em ji bo gelê Nepalê sersaxî dixwezin û dibêjin dil û mejiyê me bi wereye."

Daxûyaniya KJK'ê wiha berdewam kir: "Di welatê wede berxwedana gel ya li hember pergala Modernîteya Kapîtalîst û lêgerîna jiyanek alternatif bi hêze. Di demek wisan ku têkoşîna gerilla û avakirina pergalek nû hatibû despêkirin de felaketek bi vî awayî êşek mezin dide me. Gelên çiyayî birane. Gelên têkoşînvan êş û kêfxweşiyên hev di dilde hîsdikin. Îro li çiyayên Kurdîstanê em êşa çiyayê Hîmalayan di dilde pardikin. Em carek din wek Komeleya Jinên Kurdîstanê (KJK) sersaxî dixwezin û dibêjin,bi hest û fikrê hevgirtî em bi gelê Nepalê re ne. Gelê Nepalê xûdî çandek berxwedanê yê girînge. Em bawer dikin ku, bi piştevanî û alîkariya Tevgerên berxwedanê û biratiya gelan dikarin li hember vê felaketê bi hêzbin. Bi vê armancê ve em weke Tevgera Azadiya Jinên Kurdîstanê li kêleka êşên wene. Bi silavên xwe yê piştevanî û şoreşgerî ji çiyayên Kurdîstanê heya çiyayê Everestê dişinin."

(rc)