JINHA

ŞIRNEX – Li Cizîrê namzetên HDP’ê Leyla Birlik û Faysal Sariyildiz esnafan ziyaret kirin. Piştî ziyareta esnafan çûn gundê Pelisê li wê Leyla Bîrlik axivî û got ku ewê di 7’ê Hezîranê de dengê tîliliyên xwe ji Enkerê ber bi Îmraliyê ve bi rê bikin.

Li Cizîrê xebatên hilbijartinê yên HDP’ê bi hemu leza xwe dewam dikin. Parlementerê HDP’ê Faysal Sarıyıldız û Namzeta Parlementera HDP’ê Leyla Birlik esnafên li ser rêya Hezex û Slopiyayê ziyaret kirin û li pirsgirêkê wan guhdar kirin. KJA, Meclisa dayikê aşitiyê, Hevseroka DBP’ê ya Şırnexê Zozan Anuk, Hevserokên DBP û HDP’ê yên Cizîrê KURDÎ – DER, MEYA-DER û gelek kes bi namzetan re li esnafan geriyan. Esnafan bi kêfxweşî namzet pêşwazî kirin û ji wan re serkeftin xwestin. Piştî ziyareta esnafan namzet û heyata pêre çûn gündê Pelisê. Li wê Namzeta Parlementera HDP'ê Leyla Birlik axivî.

'Jinên kurd li her derê pêşengiya berxwedanê dikin'

Leyla diyar kir ku keç û xortê kurdan iro li hemu derê berxwedanek mezin didin û ev berxwedana wan li hemu cîhanê deng daye û wiha got: "Ev hilbijartina pêşiya me ji bo bi cîhanîna xeyalên şehîdê me merhelek giring e.” Leyla got ku AKP dixwaze hemu gelan bi tena serê xwe bi rê ve bibe lê ew li hember vê dibêjin: "Werin em bi hev re bi felsefeya Rêberê heqîqetê jiyanek wekhev û azad avabikin." Leyla balkişand ser têkoşîna jinên kurd û wiha berdewam kir: "Îro jinên kurd pêşengtiya berxwedana Kurdistanê dikin, bi heqiqeta Rêberê xwe jiyanek nû avadikin” Leyla wiha dawî li gotinê xwe anî: "Emê tev bi hev re xebatek xurt bikin û di 7’ê Hazîranê de jî dengê tîliliyê xwe ji Enqerê bi rêkin heta Îmraliyê.”

Piştî axaftinê gel û namzet bi hev re govend gerandin.

(ma/zt)