Desteya Jinan amadekariyên bernama xwendina zarokan dikin

16:16

JINHA

QAMÎŞLO - Desteya Jinan ji bo zarokên dibistanan amadekirina bernama xwendinê ya demsala havînê bi mamostayên dibistanan re civînek lidarxistin.

Dsteya Jinan ji bo zarokan derxistina bernamên xwendinê yên demsala havînê civînek li dar xistin. Civînê bi amedebûna mamosteyên dibistanan û endamên buroya parastina zarokan hat lidarxistin. Piştî hevdîtinên bi malbatên zarokan re daxwaz kirin ku dibistanên zarokan di demsala zivistanê de jî vekirî bimîne, û bernameya perwerdê him fêrkirin be him jî coşkirin be. Civîna Desteya Jinan ya bi mamosteyan re li ser vî bingehî bûye. Di civînê de biryar û proje ji bo bernameya dibistanan hat danîn. Di dibistanan de ji dayîna waneyên berhemên destan, muzîk, werzîş, şano û fêrkirina zimanan wê mamosteyên pispor bêne erkdarkirin. Hate diyar kirin ku wê rojane ji saat 8'an de heta saat 12'an zarok bên dibistanê û mamosteyên ku bên erkdarkirin wê bi qasî sê mehan karê xwe bikin û ev mamoste wê bi riya pêşbirkekê ku wê ji aliyê Desteya Jin ve pêk were wê bên erkdarkirin. Her wiha ji bo danîna rêça xwandina dibistanan wê ji aliyê mamosteyên pispor ve were danîn. Rêça xwandinê ya bê danîn ji bo dibistanên zarokan e, komîteya danîna rêçê ji pênc kesan pêk tê.

(re/zt)