JINHA

QAMÎŞLO - Desteya Jinan li gel Desteya Ciwan û Werzîşê ji bo amedekariyên pêşbaziya jinan ya piskilêtan li hev civiyan û bernameya pêşbaziyê li darxistin.

Desteya Jinan bi alîkariya Desteya Ciwan û Wezîşê a Kantona Cizîrê ji bo jinên dê di 30'ê nîsanê de pêşbaziya piskilêtan lidarbixin amadekariyan dikin. Komîteya amedekar a pêşbaziyê li gel Desteya Jinan ji bo amadekariyên şêwazê lidarxstina pêşbaziyê nîqaş kirin. Her wiha ji bo naskirina şêwazê lidarxistina pêşbirkê, Seroka Desteya Jin Emîna Omer axivî û wiha got: ''Bi munasebeta 1'ê Gulanê ev pêşbazî hatiye amedekirin, bi alîkariya Desteya Ciwan û Werzîşê ji bo ku em îsbat bikin ku jin dikarin di her warî de cih bigrin û pêşengin çi di sporê de û çi di hemû warên din de dibe.''

'Emê di pêşbaziya xwe de bidin nîşandan ku werzîş ne tenê karê mêrane'

Derbarê armanca lidarxistina pêşbaziyê de Emîna wiha peyivî: ''Armanc ji vê pêşbaziyê ew e ku em îsbat bikin ku spor ne tenê ji bo zilam ne, ji ber ku civak wiha difikire ku spor ji bo zilam ne. Me wek Desteya Jinan vê zihniyetê bişkînin û kevneşopiyên civaka me ya ku her jin di nava çar dîwaran de hîşt bi alîkariya jinan bişkînin.''

Di derbarê hijmara beşdaran û bernama pêşbaziyê de jî Emîna Omer wiha peyivî: ''Vexwanname ji bo tevhî rêxistinên jinan û hemû jinên kantonê hatiye rê kirin. Wê pêşbirk ji qada Osman Sebrî destpê bike û heta Desteya Jin bi dawî bibe û li wir ji bo 5 jinên ku di astên pêşê de wê xelat bê pêşkêş kirine û ji bo hemû jinên din jî wê teqdîrname were belavkirin. Ji ber ku beşdarbûna her jinekê weke jineke serkeftî tê binavkirin û bi me re bûn alîkar ku em bi îradeya xwe ya xurt van zend û bendan bişkînin.''

(re-px/zt)