JINHA

ŞIRNAX – Li Cizirê xebatên hilbijartinê yên HDP’ê bi coşek mezin dewam dikin. Biroya hilbijartinê di hewaya mittingê de hat vekirin. Hevseroka DBP’ê ya Şirnexê Zozan Anuk axivî. Zozan diyar kir ku ewê xebatek xurt bimeşînin û wê mizgîniya serkeftinê rêkin ji Arin, Gelhat û ji Çiçek Botan re.

Xebatên HDP’ê yên hilbijartinê bi coşek mezin dewam dikin li Cizîrê ji danê sibê Namzeta Şirnexê Leyla Birlik, Hevserokê DBP’a Semira Oruç û Mesut Nar, Hevserokê DBP’ê Ali Akdeniz serdana saziyan kirin. Piştî serdana saziyan biroya hilbijartinê ya li taxa Banê Xanê hat vekirin. Hêjeyê gotinê ye ku bi hezaran kes tevli vekirina biroyê bûn û bi hewaya mîtingê şahiyek pêk anîn. Li vê derê girseyê durêşmên “Deng namus e namus nayê firotin”, “Me soz daye şehîda em leşkerê Apo ne” berz kirin. Biro ji aliyê Leyla Birlik û dayikên aşitiyê ve hat vekirin. Piştî vekirina biroyê Hevserokê HDP’ê Navçeyê Ali Akdenîz axivî. Alî li hember coşa gelê Banê Xanê kefxweşiya xwe anî ziman û wiha got: “Pêwiste ev coşa we bigihêje hemu Kurdistanê bigihîje hemu Tirkiyê.” Alî diyar kir ku ewê ji Şirnexê ji çara çar parlementer derxin. Piştî Alî Hevsroka BDP'ê ya Şırnexê Zozan Anuk axivî. Zozan xwest ku her bajarek, her taxek her malbatek bibe biroya hilbijartinê û wiha got: “Em li hemu qadana xebatên xwe xurt bikin û mizgîniyê bi rêkin ji Arin, Gelhat û Çiçek Botan re.” Namzeta Şırnexê Leyla Birlik jî axivî û diyar kir ku iro keç û xortê Kurdistanê berxwedana herî mezin didin û wiha got: "Îro jinên kurd li rojava pêşengtiya berxwedanê dikin û bi felsefeya Rêber Apo jiyanek wekhev li Kobanê avadikin.” Leyla bi lêv kir ku wê tev de bi hev re xabat bikin û rojên serfiraz diyarê vî gelî bikin.”

Piştî axaftinan li ber muzika komên herêmî govend hat gerandin.

(ma/zt)