Li peravên Çiyayê Şengalê jin perwerda parastina cewherî dibînin
09:32
Amara Rojbin/JINHA
ŞENGAL - Li peravên Çiyayê Şengalê ji bo jin xwe bi parêzin û ji her cure êrîşan re amadebin perwerda parastina cewherî dibînin. Ji jinên perwerda çekê dibînin Dayîka Maya ya 70 salî wiha dibêje: "Min bawerî bi xwe anî û ez hatim. Ez bawerdikim ku em Êzidî bi parastina xwe desturê nedin fermana 74'an ser me debê."
Di qirkirina 3'ê Tebaxa sala 2014'an çetên TAIŞ'ê ser gelê Êzidî anîn de gelek mirov hatin qetilkirin û 5 hezar jin ji aliyê çetan ve hatin revandin. Piştî qirkirinê jinên ku di Çiyayê Şengalê yê pîroz de xwe bi cîh kirine rêxistina xwe çêkirin, ber bi meclisbûnan ve diçin û Beşa Jinan ya TEVDA yê avakirin. Gelê Êzidî û tayîbetî jî jinên Êzidî yên ku di dîrokê de 73'ê ferman bi ser wan de hatine li Çiyayê Şengalê yê pîroz ji bo ku carekdinê ferman bi serê wan neyê xwer bi rêxistin dikin û perwerda parastina cewherî dibînin. Li peravên Çiyayê Şengalê jinên ji her temenî beşdarî perwerda parastina cewherî dibin. Jinên ku dibin organîzasyona TEVDA yê de xwe bi rêxistin dikin, perwerda çekdarî, xwedin, nivîsandin û di gelek aliyan de xwe perwerde dikin.
'Bi her awayî parastina cewherî'
Girêdayî perwerdên jinan yên li Çiyayê Şengalê tê dayîn Endama Beşa Jinan ya TEVDA yê Hewlêr Kobanê diyar kir ku ser daxwazên jinan wan dest bi dayîna perwerda çekan kir. Hewrlê da zanîn ku ji zarokên 14 salî heya jinên 70 salî eleqeyek mezin li hember perwerda çekan heye. Hewlêr destnîşan kir ku bê xwestin ew jin amadene zarokên xwe di malê de bihêlin derkevin çeperên zîrveya Çiyayê Şengalê û şer bikin. Hewlêr bilêv kir ku dibinya perwerda çekdarî de perwerda parastina cewherî tê dayîn. Hewlêr derbirî ku perwerde her dem berdewame û ji bo vekirina dewreyên nû her dem talebên jinan hene.
'Divê jin hêza xwe ya cewherî carekdinê bigirin'
Hewlêr wiha berdewam kir: "Ji bo jinên Şengalê di her qadê de me dest bi xebatan kiriye. Em li gel wan dişêwirin û bi hev re van xebatan pêşdixin. Ji bo ku jin di her navendên jiyanê de li pêşbin em ked didin. Em di baweriya ku her jin parastina xwe ya cewherî bikin. Rolê dikeve ser milê jinan gelek cudaye. Êdî jin di nava civakê de xala bi bandore. Ji ber hişmendiya fewdaliya nava civaka kurdan de parastina cewheriya jinan qediyaye. Divê êdî jin baweriya xwe bi xwe bîne û hêza xwe ya berê cardin bi destê xwe bixe."
Xwendekarek 70 salî
Dayîka Maya ya 70 salî ji ber êrîşên çeteyên DAIŞ'ê xwe rizgarkirî û xwe avêtî hembêza Çiyayê Şengalê perwerda çekdarî dibîne. Dayîka Maya anî ziman ku bi mehane ew li çiyayan jiyan dikin û wiha domand: "Emê cardinê Şengalê bigirin. Bi mehane em di şertên herî zor de dijîn. Heta darek em xwe bixin ber sîbera wê jî nîne. Li gel her tiştî jî bi PKK e yiyan re me hêviya xwe winda nekir. Bi baweriya me ya bi Teyîrê me yê Tawis em bawerdikin ku emê bi serkevin. Emê Şengala hatî firotin carekdinê bi dest bixin. Baweriya min bi min hat. Ez bawer dikim ku em Êzidî bi parastina xwe ya cewherî emê desturê nedin fermana 74'an."
'Ji niha û şunde qet...'
Ji jinên beşdarî perwerda parastina cewherî bûne dayîka 3 zarokan Xezal Mehmet jî diyar kir ku li gel hemû zoriyan jî hêviya wan ya jiyanê heye. Xezal destnîşan kir ku li cihek jin parastina xwe bikin windakirin ne gengaze û wiha berdewam kir: "Heya niha me nedizanî emê çawan xwe biparêzin. Ji ber wê bû di dema fermanê de bi hezaran jin ketin destê dijmin. Êdî em dizanin, ji niha û şunde qet dijmin nikare destê xwe bigihîne me. Hêviya me jinên Şengalê ewe ku hemû jin xwe perwerde bikin û parastina xwe ya cewherî pêşbixin."
(zt)