Şeyma Güzel / JINHA

AMED - Namzeta Parlementera HDP'ê ya Xerpêtê Turkan Bingol diyar kir ku weke hemû cîhanê li Xerpêtê jî vîna jinan tê çewisandin û got: "Li Xerpêtê jî weke her derê paşverutiyên mafê cewherî yê jinan nedanê heye. Emê van nêzîkatiyên paşveru li hember hêza jinê ya cewherî dibe asteng hilweşînin."

Namzeta Parlementera HDP'ê ya Xerpêtê Turkan Bingol da zanîn ku li Xerpêtê jin ne xwediyê mafê gotinêne û jinan tevlî siyasetê nakin û wiha domand: "Li Xerpêtê dîtina jinan ne gengaze. Ez pir dixwazim van jinan bi hêz bikim. Ez dixwazim li gel jinan bipeyîvim, wan bi hêz bikim û bi guherim. Li Xerpêtê jin ji namzetên jin gelek razîne. Lê mixabin ez jinan li kêleka xwe nabînim. Mêrî jî ji ber namzetiya me kêfxweşiya xwe bi gotinên weke 'Em heyranê cesareta wene' tînin ziman. Ez dixwazim li derdora xwe jinan bibînim. Ji xwe di nava vê pergalê de jin bûn bi serê xwe zoriyek mezine, divê em bi hev re van zoriyan ji holê rakin.

'Emê hişmendiya heyî hilweşînin'

Turkan anî ziman ku weke her derê li Xerpêtê jî vîna jinan tê çewisandin û wiha berdewam kir: "Weke her derê li Xerpêtê jî vîna jinan tê çewisandin. Li gorî paşverotiyan jin ne xwediyê mafê gotinêne. Lê emê van paşverotiyên heyî hilweşînin. Em dixwazin li gel ciwan, jinan û gelbin. Ji siyasetmendarekê zêdetir ez dayîkekim, dema ku dayîkek bêje; 'Ez dikarim vî karî bikim' dê bike. Ez bang li dayîkan jî dikim ku li gel min bin."

'Dê jin di derbarê jinan de bi peyîvin'

Turkan bilêv kir ku piştî danezana jinan hat dayîn eleqa jinan ya li hemberî HDP'ê zêdetir bûye û wiha dom kir: "Heya niha di meclisê de mêr ser jinan peyîvîn, gotin kirin û biriyar girtin. Emê di meclisê de êdî jin bi xwe bipeyîvin, êdî di derbarê jinan de mafê gotinê ji mêran re nehêlin û dê êdî jin bi xwe biriyarên xwe bigirin. Em di meclisê de hene û emê li her derêbin. Di asta rêveberiyê de dê jin zêdetir xwe bidin nîşandan."

'Butçe ne ji bo jinan ji bo şer tê karanîn'

Turkan derbirî ku deshilatî butçeyê ji bo şer di xebitîne û got: "Li gorî serê xwe nêzî butçeyê dibin û ji bo şer dixebitînin. Ji bo jinan butçe nayê cudakirin. Deshilatiya bi navê alîkariya civakî makarna û kumurê belav dike gel di xapîne. Emê weke partî desturê nedin butçe ji bo şer bê xebitandin."

(zt)