Nazan Türtük / JINHA

ERZIROM - Li Erziromê jinên ji derve tên rastî tacîza derunî, fîzîkî û gotinan tên, ev jî herêmên civakiyên jinan teng dike. Jinên zanîngehê bertek nîşanî rewşa heyî dan û diyar kirin ku hikumeta AKP'ê zêdetir cesaretê dide hişmendiya mêran ya şidetkar û tacîzkar.

Di 13 salên deshilatiya AKP'ê de li gel qirkirinên jinan ji sedî hezara 400 zêdebûne şidet jî zêdebûye û berdewam dike. Li Tirkiyê yek ji bajarên herî zêde şideta ser jinan tê jiyîn jî Erzirome. Jinên xwendekar yên ji bo xwendinê ji navendên dinê bi armanca xwendinê tên bi jiyanek zor û zehmet re ru bi ru dibin. Bi tayîbetî jî di van demên dawiyê de li gel tacîzên derunî, fîzîkî, û gotinan jî zêdebûna bûyerên îstismarê balêdikişîne. Bi sergirtina van kirinan bûyerên tên jiyîn rewadikin.

Xwendekara Zanîngeha Ataturk ya erziromê Ozge Çakir da zanîn ku di nava bajêr de we rastî tacîza mêran ya bi çavan tên û wiha domand: "Dema ku em tiştinan dibihîsin em naxazin bersivê bidin. Li vêderê jiyan kirin gelek zore. Di bajarên dinê de jî ev pirsgirêk hene. Lê li vêderê ji ber çanda civakiyî ya vêderê nêrîna li jinan gelek cudaye. Civakên girtî bi vî rengîne."

'Ev der navendek jiyanê ya ku jinan bi çarşefan bide girtine'

Ji jinên di nava bajêr de dijî Fatma Gul Tunç jî anî ziman ku yek ji pirsgirêkên herî mezin yên nava bajêr tacîze û wiha berdewam kir: "Em bi mirovên ku dengê solê me weke tehrîkê dibînin re neçarin dijîn. Navendek jiyanê ya ku jinan bi çarşefan didin girtin hene. Li vêderê renêg jinan nîne. Ya herî xirab jî jin li hember vê rewşê nerazîbûnan nadin. Jin li vê dervê ewqas hînî pergala heyî bûne ku jinên ne weke xwe weke 'xirab' dibînin."

'Hikumeta AKP'ê hikumeta mêrane'

Bêrîvan Erdem ya ku 4 salin li Zanîngeha Ataturk dixwîne jî bilêv kir ku li bajar jin pirsgirêkên cidî dijîn û wiha got: "Li vêderê hevalên me yên LGBT jî pirin. Lê hevalên me xwe gelek diveşêrin... Ji ber li vêerê despêkirina her rêyê û dawiya wê bi şidetê despêdike û bi şidetê dawî tê. Her tişt li gora pergalêye. Netew, nasname, ol, tercîha jiyanê û nêrîna ji derve hemû ev ji bo wan tiştên talokene."

Bêrîvan anî ziman ku pirsgirêkên jinan xwediyê demboriyek duvdirêje û wiha domand: "Ewqas ru hatiye dayîna mêran ji tehrîkê heya her tiştî, Ev jî cesaretê dide wan. Ji xwe pergala heyî pergala mêrane, li gorî pêdivî û daxwazên wan tevdigere û pişta wan digire."

(zt)