JINHA

DIRBÊSIYÊ - Meclisa Yeketiya Star a bajarê Dirbêsiyê yê kantona Cizîrê dest bi avakirina komînan kirine.

Li bajarê Dirbêsiyê ya Kantona Cizîrê ji bo ji nûve avakirina komînên xweser ên jinan Yeketiya Star civînek lidarxist. Civîn bi deqeyeke rêzgirtina ser giyana cangoriyên azadiyê destpêkir. Paşê Rêveberiya Yeketiya Star a bajarê Dirbêsiyê Arjîn Viyan axivî û sîstema hundirîn a komînan şîrove kir. Piştî axaftinê ji bo derxistina serok û du alîkaran wê, hilbijartin hatin lidarxistin û jinan dengê xwe bikaranîn. Her wiha ji bo komîteyên parastin, perwerde û aborî endam hatin hilbijartin. Hêjayî bibîrxistinê ye ku heta niha li bajarê Dirbêsiyê 5 komîn hatine avakirin û avakirina komînan dewam dike.


(şe/zt)