Aysel Dogan bang li berxwedêr û wijdanan kir

JINHA

ENQERE - Parlementerên HDP'ê serdana Aysel Dogan ya ku tedawiya penceşêrê dibîne ziyaret kirin. Aysel bi moral û dilnizmiya xwe ziyaretvan şaşwaz kir û got: "Ev qas nexweşên rewşa wan giran hene, hun hatine ziyareta min. Ez lêborîna xwe dixwazim ku min hun bi xwe ve mijul kirine."

Endamên Heyeta Îmraliyê Sirri Sureyya Onder, Pervîn Buldan û Îdrîs Baluken, parlamenterê HDP’ê Nazmî Gur çûn serdana girtiya nexweş Aysel Dogan a ku 17 salên jiyana xwe di girtîgehê de derbas kir û ev 3 sal û nîvên dawî ye jî ji ber operasyonên KCK’ê hatiye girtin, li girtîgehê bi pençeşêrê ket û li Nexweşxaneya Lêkolîn û Perwerdehiyê ya Zekaî Tahîr Budak tê dermankirin. Ji ber ku girtî ye bi destûra Wezareta Dadê hevdîtin pêk hat û Dogan bi ken heyet pêşwazî kir.

Aysel bilêv kir ku ew qet di ferqa nexweşiya xwe de nebûye, çiqas pêşketiye nizane ji ber zêdebûna nexweşiyê bandora bi hestewarbûna wê heye û ev tişt anî ziman: “Bûyerên li Kobanê û Şengalê bandorgeke mezin li ser min kir. Wekî dema komploya li hemberî rêbertiyê (Rêberê PKK’ê Abdullah Ocalan) min gelek zehmetî kişand. Ne li gorî me ye lê ez bêhêvî bûn. Min nekarî rakim.”

Aysel got ku rewşa girtiyên nexweş pir wê xemgîn dike û xemsariya li hemberî vê yekê rexne kir û wiha berdewam kir: “Ez saziyên me pîroz dikim, gelek tespîtên xweş dikin lê pêwîstiyên wan bi cih naynin. Ev tiştekî bê qebûlkirin nîne.” Dogan diyar kir ku tevgera kurd, tevgereke mirovan dide jiyankirin e û xwe derveyî vê yekê girt û wiha got: “Em dikarin van mirovan terkî mirinê bikin. Ez nikarim tiştên ku rêhevalên min dijîn rakim.”

Tedawî red kir

Aysel eliw şert û mercên ku 20 girtiyên nexweş ên anîne Nexweşxaneya Nûmûneyê rexne kir û şiband kampên Hîtler. Aysel nirxandina “Ez bûm şahidê vê yekê, Ji b odu diranê xwe çûm bijîşk, dema kum in nêzîkatiya wê derê dît, tedawî red kir” kir. Aysel wiha got: “Ev tiştên ku têne jiyîn wehûm in û didomin, ji vê yekê xirabtir tiştek nabe.”

‘Heke ez bimirim dixwazim li Amedê bimirim’

Aysel têkîldarî rewşa xwe jî ev tişt anî ziman: “Ez berxwedêr im lê sosyalîst û ekolojîstim. Li dijî hemû tiştan têkoşîn tê dayîn lê mirov nikare li dijî xwezayê dermeve. Ez jî wekî parçeyeke xwezayê nikarim li hembî wê derkevim. Heke ez di van şertan de bimirim ez dixwazim li Girtîgeha Amedê bimirim.” Ev gotinên Aysel heyet hestiyar kir û Sirri Sureyya Onder kete navberê û wiha got: “Na di vê de dînamîkeke din heye, rastiyeke din heye û divê hûn li hemberî vê derkevin û têbikoşin.” Aysel di dawiyê de nirxandina “Evqas hevalên min ên rewşa wan giran heye, ji ber ku ez nexweş ketim lêborîna xwe dixwazim, min we jî bi xwe ve da mijulkirin.”

Endamên heyetê jî nêzîkatiya hikûmetê ya li dijî girtiyên nexweş rexne kir û anîn ziman ku ev yek mijareke mirovî ye û hefteya borî bi Wezîrê Dadê re hevdîtin pêk anîne lê wezaretê gotinê xwe yên beriya niha yên gotiyê lê bi cih neanîye dubare kiriye.

Li aliyê din rewşa Aysel krîtîk e û bijîşk pêşniyar dikin ku di demeke kin de dest bi kemoterapiyê bê kirin. Lê bijîşk dibêjin ku di van şert û mercan de tedawî ne pêkane û Aysel divê teqez bê berdan.

(zt)