Şeyma Güzel/JINHA

AMED - Namzeta Parlementera HDP'ê ya Osmaniy ê Hatice Betul Çelebi diyar kir ku êdî Tirkiye ji halê welatê ku têde bê jiyan kirin derketiye. Hatice da zanîn ku dê weke jin mudaxeleyî siyaseta mêran bikin û got: "Êdî dê narîniya giyana jinê têkeve dewrê."

Partiya Demokratîka Gelan (HDP) ya ku hemû rengên cuda di nava xwe de dihewîne bi duruşma "Jiyana Nû" amadekariyên 7'ê Hezîranê dike. HDP ya ku nûneriya jiyana wekhev dike û bi wê hişmendiyê herî zêde namzetên jin nîşan dayî hevdîtinên xwe yên bi gel re li herêmê û tevahiya Tirkiyê berdewam dike. Yek ji bajarên ku HDP'ê têde namzetên jin diyar kirî Osmaniye ye. Namzeta Parlementera HDP'ê ya Osmanya yê Hatice Betul Çelebi bi xwe tirke û li Îzmîrê mezin bûye. Hatice ev 27 salin li Amedê dijî. Hatice ya ku pîşeyê wê sewdeliye li Amedê navek ya şahidî ji salên 1990'an re kiriye.

'HDP'ê giyana berxwedanê avakir'

Hatice ya ku tindiya dewletê ser gelê kurd êşên dane jiyandin bi xwe dîtiye destnîşankir ku dê dij demokratên li Tirkiyê bi HDP'ê bên derbazkirin, ji ber wê jî ew di HDP'ê de bûye namzet. Hatice bilêv kir ku divê li hember antî demokratîkbûna Tirkiyê jin beşdarî siyasetê bibin, di vê wateyê de HDP giyanek ya berxwedanê avakiriye û wiha domand: "HDP partiyek ya mirovên xwe li bêhêvîtiyê pêçayî bûye hêvî. Ji ber vê giyanê ez bandor kirim, ji ber wê min jî xwest di nava HDP'ê de cîh girim."

'Emê newekheviya civakî ji holê rakin'

Hatice ji bo newekheviya zayendiya civakî jî wiha axivî: "Jin destê xwe dide çî bedew dibe. Ji xwe di vê mijarê de mînaka herî berçav jî Şoreşa Rojavaye. Li Rojava jinan rumeta hemû jinên cîhanê heta rumeta mirovahiyê rizgarkirin. Emê jî weke jinên HDP'ê newekheviya zayendî ji holê rakin. Ji holê rakirina van qet jî zor nîne. Heya niha li Tirkiyê polîtîka bi destê mêran berdewam kiriye. HDP'ê bû nûneriya wekhev rakirina newekheviya zayendî nîşanî her kesê da. Ev li Tirkiyê carayekeme dikeve mereyetê. Wekheviya welatîbûn û jiyanê ne xeyale. Em hemû bawerdikin ku dê HDP'ê vê bêxe meryetê."

'Tirkiye ji welatek yê têde bê jiyankirin derketiye'

Hatice anî ziman ku ne tenê di warê jinan de ji bo her her welatiyekê Tirkiye ji rewşa welatê têde bê jiyankirin derketiye, ji ber wê jî wan weke jin pêdivî bi dest danîna ser siyasetê dîtine û wiha berdewam kir: "Di her xalê de newekhevî û bê dadî heye. Em di nav cîhanek ya hinek ser keda hinekan xwe didin jiyandin, wan di çewisînin û tindiyê dikin de hatine mehkumkirin. Jiyana me hemû ketiye bin dîlgirtina kiredî kartan û berjewendiyên kaputalîzêmê. Bi rastî ev rewşek trajediye. Em di cîhane ya ku mirov bêyî bifikirin, tenê jiyan xwe bingeh digirin û ji xwe zêdetir tiştekê nabînin de dijîn. Li hember êşên ku mirovan jiyan kirîn bê baldariyek tê jiyankirin. Em hatine rewşa civakek bê dil."

'Divê êdî narîniya giyana jinê têkeve dewrê'

Hatice bilêv kir ku dê antîdemokratîkbûna ku gelên li Tirkiyê di navê de dijîn bidin rakirin, ji bo wê jî divê êdî narîniya giyana jinê têkeve dewrê. Hatice anî ziman ku her demê giyana jinê zêdetir narîn, baldar û giştiye û wiha dom kir: "Dê deskeftiyên jinan û nêrîna wan vê rewşê bi giştî biguhere. Ji ber wê jî weke jinek ez jî di nava vê tevgerê de cîh digirim. Emê li meclisê bi awayek bi hêv li vîna jinê xwedî derkevin. Namzetên me her yek ji ya dinê bi nirxitirin. Hemû bi dil û heya dawiyê baldarin. Ez bawerdikim ku namzetên me yên jin dê li meclisê tiştên bedew bikin."

(zt)