Li Rojava pêşbaziya jinan ya biskiletan
10:59
JINHA
QAMÎŞLO - Li Kantona Cizîrê pêşbaziya jinan ya biskiletan bi duruşma 'Tekoşîna jinê bê sînore' hat li darxistin. Di pêşbaziyê de jinên di pilegirtine hatin xelatkirin. Jina ciwan ya ku di pêşbaziyê de di asta yekem de cîh girt Necbîr Hesen diyar kir ku ew gelek şanaze ku Desteya Jinan derfetek wiha daye wan û got: "Ez hêvîdarim ku her jin werzîşê weke parçeyek ji jiyana xwe bibîne û ji bo ku xwe beşdarî geşên wezîşê bike li hember astengiyên heyî tekoşînê bikin."
Bi pêşengtiya Desteya jinan, Desteya Ciwanan û Desteya Wezîşê bi boneya 1' Gulanê Cejna Karkerên Cîhanê ji bo jinên Qamişlo pêşbaziyek ya biskiletan hat amadekirin. 38 jin beşdarî pêşbaziyê ku bi duruşmeya "Tekoşîna jinan bê sînore" bûn. Pêşbaziya ku li Bajarê Qamişlo yê Kantona Cizîrê hat li darxistin de bi beşdariya gelek saziyên herêmê û jinan pêşbazî vegeriya şahiyê. Pêşbaziyê ji Qada Osman Sebrî despêkir û li navenda Desteya Jinan bi dawî bû. Jinên di pêşbaziyê de li ber avahiyê ji aliyê Seroka Desteya Jinan Emîne Omer, Cîgira xwe Hîva Erebo û Komîteya Amadekar ya pêşbaziyê ve hatin pêşewazîkirin. Emîne Omer axaftinek kin kir û balkişand ser serkeftinên jinan. Piştî axaftinan jinên pile girtin hatin xelatkirin. Jinên ku pilegirtin di rêza yekemîn de Necbîr Hesen, di rêza duyemîn de Mizgîn Zêdan , di rêza sêyemîn de jî Zekiye Îbrahîm min. Her wiha ji bo jina di pêşbaziyê de herî temenê wê mezin Fikriya El-Mihemed û zaroka herî biçuk Mîdya Zoro ya 11 salî jî xelat hat dayîn.
Jinên beşdarî pêşbaziyê bûn şanazî û nêrînên xwe anîn ziman. Jina ciwan ya beşdarî pêşbaziyê bûyî Sozdar Yûsiv derbarê beşdarbûna xwe ya pêşbaziyê de nirxandin kir û hestên xwe wiha anîn ziman: ''Ez gelek kêfxweşim ku pêşbirkek bi vî rengî Desteya Jinan lidarxist. Em êdî gihîştin wê astê ku her tişt li gel me ne qedexe be. Ew gotina ku dibêje qedexiya jin vî karî bike wî bike em îro wî pûtî dişkînin û em bi vê gavê gelek kêfxweşin.''
'Dê werzîş bibe parçeyek ji jiyana jinan'
Cîgira Desteya Dadê Evîn Xelo jî beşdarî pêşbaziyê bû û got: ''Lidarxistin û beşdarbûna vê pêşbirkê ji bo her jinekê morelek bû. Me dixwast em jin jî wek mêran ev qedexeyên li ser me bên rakirin û em dikaribin di her warî de beşdar bibin û ajotina piskilêt bibe tiştekî normal û bibe parçeyek ji jiyana normal ya her jinekê.''
'Ev ji bo jinekê serkeftineke mezine'
Jina Ciwan Necbîr Hesen ya ku di pêşbaziyê de xelata yekemîniyê girtî di derbarê derketina xwe ya asta yekemîn de axivî û wiha got: ''Ez gelek kêfxweş bûm ku pêşbirkeke bi vî rengî hat lidarxistin û desteya jinan derfet li pêşiya me vekir. Gelek jin hene dixwazin di werzîşê de bi vî rengî beşdar bibin, lê derfet li pêşiya wan girtiye. Daxwaziya min ji bo her jinekê ye ku ew jî di nava sporê de cih bigrin û wek tiştekî normal ji jiyana xwe ya rojane bikarbînin. Bila tu carî jin mafê xwe nede dest tu kesî.''
(px-rs/zt)