JINHA

NAVENDA NÛÇEYAN - Koordînasyona KJK’ê, 1’ê Gulanê Cejna Karker û Kedkaran li hemû kedkar û karkerên cîhanê, di serî de jî li kedkarên herî mezin ên cîhanê jinan pîroz kir.

Koordînasyona KJK’ê di daxuyaniya xwe ya nivîskî de Cejna Karker û Kedkaran pîroz kir. KJK’ê di daxuyaniya xwe de wiha got: “Rojhilata Navîn ku wek xaka yekem keda civakî lê derbasî jiyana xwecîhbûnê, bûye, keda mirovan her tim pîroz dîtiye. Gelê Rojhilata Navîn hêrsa kar, dizî û her cure qezenca neheq lanet kiriye. Ji ber ku ked îfadeya civakî ya herî sereke ya rûmeta mirovahiyê ye. Di cîhana kapîtalîst a roja me ya îro de ku ked kirine bin lingan, bê nirx hiştine û kirine meta de, rûmeta mirovahiyê, nasname û heysiyeta mirovan, ji bo ku şîrketên kapîtalîst ên navneteweyî zêdetir kârê bikin, tê xwestin bikin qurban. Yên tên kuştin ne tenê bi mîlyonan kesên di bin qezayên kar de tên qurbankirin, yên mahkûmê birçîbûn û xizaniyên tên kirin e; di rastiyê de rûmet û manewiyata ku mirovahî di nava jiyana civakî de bi keda xwe ya afirîner, qezenc kiriye. Mirov di manewiyat, mîrateya dîrokî û rûmeta xwe mirov e.

Lêgerînên jiyana alternatîf û damarên berxwedana dîrokî ya her tiçe zêdetir dibin, li Rojhilata Navîn nîşaneya vejîn û pêşketina demokratîk a nû ye. Di şexsê şoreşa Rojava de bi jin û jinê re cîhanê deriyê serdema şoreşa demokratîk a nû vedike. Mirovahiya cîhanê bi bilindbûna demokratîkbûna Rojava re, ji nû ve hêviya pêşerojek azad û nirxên jiyaneke azad şîn dike. Keda Mirovahiyê bi jiyana azad û têkoşîna demokrasiyê re ji nû ve nirxeke nû qezenc dike. Şoreşa demokratîk ji nû ve ji bo mirovahiyê nirx û manewiyatê dide qezenckirin. 1’ê Gulanê Roja Karker û Kedkarên Cîhanê ya 2015’an de li qadên ku hemû kedkar li zemînên têkoşînê yên civakî ya bi nirxên sosyalîzma demokratîk hatine avakirin û li qadên ku ala berxwedanê hatiye bilindkirin, tê pîrozkirin. Di têkoşîna kedê ya, dij-kapîtalîst, ronakbîr, demokrat, jin û hemû kesên ji bo azadiya xwezayê, têkoşînê didin û nasname xwe ji nû ve têde dibîne, hemû derfet û zemîn hatine afirandin. Zemîneke têkoşînê ya mezin ku her kes dikare xwe têde bibîne, xwe îfade bike û xwedî li keda xwe derkeve, derketiye holê. Li dijî her cureyê polîtîka û nêzîkatiyên despotîk û hegemonîk, li dijî şert û mercên xebat û jiyana der mirovahî, derfetên mezinkirina zemîneke têkoşîna demokratîk, ji her demê zêdetirin. Di vê rastiyê de em bang li hemû kesî dikin ku li gor kevneşopiya berxwedana kedkar û karkeran di 1’ê Gulanê de li qadan têkoşîna xwe bikin civakî û bilind bikin. Di 7’ê Hezîranê Hilbijartinên Giştî de derxînin lûtkeyan. Em ked û demorkasiyê ji bo hemû gelên Tirkiyeyê bikin yekane rêbaz û wek rêya çareseriyê bilind bikin! Em 1’ê Gulanê bikin roja têkoşîna mezin a ked û demokrasiyê!

Em 1’ê Gulanê Cejna Karker û Kedkaran li hemû kedkar û karkerên cîhanê, di serî de jî li kedkar ên herî mezin ên cîhanê jinan pîroz dikin.”

(zt)