JINHA

HESEKÊ - Di derbarê 1'ê Gulanê Cejna Karker û Kedkarên Cîhanê jinên bajarê Hesekê ya kantona Cezîrê nêrînên xwe anîn ziman. Jinan diyarkirin ku ti astengî nikarin pêşiya tekoşîna wan bigire û gotin: "Ji ber me bi roman û felsefa Rêber Apo xwe rêxistin kiriye ji ber wê jî dê ti astengî nikare pêşiya vîna me bigire. Divê hemû jin bi vê hişmendiyê beşdarî xebatan bibin."

Cejna karkeran her sal li tevahî cîhanê tê pîroz kirin, derbarê vê rojê de jinên bajarê Hesekê nirxandin kirin. Endama Rêveberiya Yeketiya Ciwanên Demokratîk Roha di derbarê giringiya 1'ê Gulanê Cejana Karker û Kedkaran de wiha peyivî: ''Di roja îro de jî jin dîsa rastî astengî û koletiya hêzên terorîst ên ku bi navê Îslamê tevdigerin tên. Lê tevî vê yekê jî jinan li Rojavayê Kurdistanê bi kar û xebata xwe di her beşî de xwe îsbat kir. Em Cejna Kedkar û Karkerên Cîhanê li tevahî jinên cîhanê û jinên Rojava pîroz dikin.''

Nisrîn Mihemed ya ku di dikana cilên kurdi yên jinan ya li bazara Taxa Miftiya bajarê Hesekê de dixebite û debara xwe ser karê dikanê dike jî di derbarê 1'ê Gulanê de wiha axivî: ''Ez vê rojê li Rêber Apo û tevahî karkeran pîroz dikim. Roja 1'ê Gulanê tenê ji bo mêran dihat pîroz dikirin. lê bi saya tekoşîna jinê li Rojavayê Kurdistanê wekhevî di nava herdû zayendan de çêbû. Ev yek jî bi saya fikir û felsefa Rêber Apo ket meryetê. Em jin jî bi saya roman û felsefa Rêber Apo di 1'ê Gulanê de li mafê xwe xwedî derdikevin.''

Mamosta Sozan Mihemed jî 1'ê Gulanê di serî de li jinan û hemû karker û kedkaran pîroz kir û wiha got: ''Ez gelekî kêfxweşim ku di roja îro de em jin gihîştine vê astê ku di her beşê jiyanê û saziyan de cihê xwe digrin.''

Rêveberiya Yeketiya Star a bajarê Hesekê Hediya Ehmed ya ku li gel xebatên xwe yên rêsitina jinan li zarokên xwe dinêre jî wiha axivî: ''Tevî ku min zarokên xwe jî xwadî dikirin lê min dev ji karê xwe di Yeketiya Star berneda. Kar erkê her jinekê ye û divê hemû jin ji bo serkeftinê bi hev re alîkar bin.''

Nişmiya Qadir ku ev 20 salin bê navber ji bo xwadîkirina zarokên xwe karê terziyê dike derbarê keda jinê de wiha got: ''Ji bo ku jin zarokên xwe xwadî bike û ji bo xwe jiyanek baş peyda bike dikare hemû astengiyan bikşîne. Ez vê rojê li hemû jinên êş kişandiye pîroz dikim."

(px-rs/zt)