Li Serêkaniyê jin Ewlehiya jiyanê digirin

10:51

Dîdem Elî/JINHA

SEREKANIYÊ - Li Rojava weke her qada jiyanê jin di beşa polîsên trafîqê de jî cih digirin. Ji jinên di trafîqê der cîh digire Recee Casim ya ereb ku parastina Serêkaniyê deke wiha dibêje: "Piştî ku min dît jin pêşengtiya xebatên ewlehiyê dikin, ez jî beşdarî xebatê ewlehiyê bûm. Ji bo jin xwe bi rêxistin bike derfet zêdene û şoreşa Rojava derfetên xwe pêşxistinê li pêşiya hemû kes vekirirye."

Şoreşa Rojava ya ku ji cîhanê re bûye navenda ronhiyê, bi hemû rengên jiyanê balê dikêşe ser xebatên ku tê meşandin. Bi taybet xebatên ewlekariyê a ku pêşengtiya wê jin dike, buye çavkaniya ronahiyê ji bo hemû jinên cîhanê. Di çerçoveya înşa kirina civaka demokratik û rêxistin kirina saziyên qada ewlekariyên heremê de jin bi awayek aktîf cihê xwe digire. Yek ji van bajarên ku jin bi awayek aktîf di nava xebatên ewlekariyê de cih digre bajara Serêkaniyê yê Kantona Cizîrê ya Rojava ye. Li Serêkaniyê bi pêşengtiya jinan ewlekariya bajêr tê kirin. Recee Casim a Erebe derbarê mijarê de axivî û got: "Eger em xwe bi rêxistin nekin, paşverutiyên pergalê ji xwe me bi rêxistin nake."

Endama saziya polîsên trafîqê Şêrîn Hemo Ebbas derbarê ewlekariya civak û herêmê de wiha axivî: "Dema ku li bajêr saziyên ewlekariyê polîsên trafîqê dihatin avakirin, ji bo me gelek balkêş bû û daxweza me ya beşadarbûna vê xebatê çêbû. Lê belê zextên civak û malbat gelek zêde bûn. Xebatên ewlekatiyê ji jinan re nedipejrandin. Encama tekoşîna min a li hember hişmendiya civakê ya kevneşop ez beşdarî xebatên ewlekariyê herêmê bûm."

'Jin bi sekna xwe ferasetê civakê guhart'

Şêrîn dest nîşan kir ku êdî nêrîna civakê jî li hember jinan hatiye guhartin û wiha dom kir: "Jin bi berxwedana bêhepa fereseta civakê jî bi sekna xwe guhart. Ji ber vê yekê êdî civak jî me birêz pêşwazî dike. Jin di şoreşa Rojava de bi vîn û rihê xwe yê tekoşînê ji cîhanê re îsbat kir ku dikare li her qadê jiyanê bixebite û bi serbikeve.

'Paşverotî me bi rêxistin nake'

Derbarê kar û xebata ewlekarî yên polîsên trafîqê de, endama saziya polîsan a trafîqê Recee Casim ya Erbe jî wiha axivî: "Heskirina min ji xebatên ewlekariyê a polîsên trafîqê re gelek zêde bû. Piştî ku min dît jin pêşengtiya xebatên ewlehiyê dikin, ez jî beşdarî xebatê ewlehiyê bûm. Ji bo jin xwe bi rêxistin bike derfet zêdene û şoreşa Rojava derfetê li pêşiya hemû kes vekir." Recee herî dawî bal kişand ser rewşa jinê û wiha bang li jinan kir: "Her jinek dikare tekoşînê li hember paşverotiyê civak û mêr bide meşandin. Eger em xwe bi rêxistin nekin, paşverotiyên pergalê ji xwe me bi rêxistin nake."

(rc)