Konferansa Jinûve Avakirina Kobanê despêkir
14:54
JINHA
AMED - Konferansa Jinûve Avakirina Kobanê despêkir. Enwer Muslim diyar kir ku şoreşgerên jin yên weke Arîn Mîrxan, Zozan û Viyan Peyman nemirbûn û got: "Em jinên nemir bi rêzdarî bibîrtînin." Enwer da zanîn ku bi embargoya ser Kobanê re pêdiviyek mezin ya zexîreyan heye û wiha domand: "Ez jî têrnekir çetan bi tang û topên giran êrîşî me kirin. Kobanê dîroka jinan û mirovahiyê nivîsî. Bi saya berxwedana jinan serê me bilinde. Ev ji bo me rometek mezine."
Ji bo Kobanê ya ku piştî êrîşên çeteyên DAIŞ’ê bi berxwedana bêhempa ya hêzên YPG û YPJ’ê hate azadkirin konferansa ku jinûve bê înşakirin riyên çareseriyê bên nîqaşkirin û biryarên şenber bên girtin li Amedê li Salona Konferansê ya Navenda Çand û Hunerê ya Ciwanan a Cîgerxwînê dest pê kir. Konferans bi bangawaziya Hevserokê Kantona Kobanê Enver Muslîm û malovaniya Şaredariya Bajarê Mezin ê Amedê, Odeya Sanayî û Bazirganî ya Amedê, Kongreya Jinên Azad (KJA), Odeya Tabîban a Amedê, Lijneya Kordînasyona Bajar a TMMOB’ê ya Amedê, Baroya Amedê û Komeleya Mafên Mirovan a Şaxa Amedê pêk tê bi dirûşma “Jinûve avakirina Kobanê xwedîderketina nirxên mirovahiyê ye” tê lidarxistin. Heserokê Kongreya Civaka Demokratîk û Endamê Heyeta Îmraliyê Hatîp Dîcle, Hevseroka PYD’ê Asya Abdullah, Serokê Meclîsa Rêveber a Kantona Kobanê Enver Muslîm, Hevşaredara Bajarê Mezin a Amedê Gultan Kışanak, parlamenterên HDP’ê, Hevserokên Giştî yên DBP’ê Kamuran Yuksek û Emîne Ayna, Endama Heyeta Îmraliyê Ceylan Bagriyanik, ji 3 kantonên Rojava 43 delege, ji başûrê Kurdistanê di nav de parlamentera YNK’ê Êvar Îbrahîm Muhammed, ji PDK’ê Alî Holu, Behzad Zebarî jî hene nûnerên YNK û PDK’ê bi teahî 78 delege beşdar bûn. Dîsa ji rojhilatê Kurdistanê nûnerên partiyên siyasî, endamên Platforma Jinûve Înşakirina Kobanê ya Ewropayê, rêxistinên sivîl ên ciakî yên ku ji konferansê re malovaniyê dikin, Sendîkaya Karkerên Înşeatê, Komeleya Piştevanî û Alîkariyê ya Sarmaşik, Weqfa Çandê ya Anatolyayê, Weqfa Mafên Mirovan a Tirkiyeyê, Komeleya Piştevaniya Jiyanê, Nûnera Tirkiyeyê ya Heinrich Boll Stifung Dr. Ulrike Dufner, endama Komîteya Piştevaniya Gelê Kurd a Lîonê Selena Verrî, ji Almanya, Fransa û Danîmarkayê ji Ewropayê 36 delege, tevahî 350 delege beşdarî konferansê dibin.
'Em birêzdarî bejna xwe ditewînin'
Di dîwana konfransê de Hevserokê DBP'ê Kamuran Yksek, ji KJA yê Melike Karagot, Hevserokê Desteya Rêveberiya Kantona Kobanê Xalid Berkel, Wekîla Têkiliyên Navnetewiyên Kantona Kobanê Şevin Mahmud û Hevserokê Rêberberiyên Herêmiyên Kantona Kobanê Mustafa Abdi cîh girtin. Kamuran Yuksek axaftina vekirinê kir û destnîşan kir ku Kobanê bûye bajarê hemû şoreşgeran û wiha berdewam kir: "Ji ber wê jî ji nû ve avakirina Kobanê peyîwira me hemûyane. Ez bejna xwe li ber berxwedana Kobanê ya ku di kesayeta Arîn Mîrxan de pêşketî ditewînim. Em ji bo tevlîbûna bi nirx ya hemû mêvanan sipas dikin."
'Emê soza ku me dayî şehîdên şoreşê bînin cîh'
Hevserokê Kantona Kobanê Enwer Muslim jî di despêka axaftina xwe de şehîdên şoreşê bibîranî. Enwer anî ziman ku li Kobanê berxwedanek ya ji bo hemû cîhanê bûyî mînak hat jiyankirin. Enwer bilêv kir ku berxwedana Kobanê bi pêşengiya jinên şoreşger yên weke Arin Mîrxan, Zozan û Viyan Peyman an biserket û got: "Ez bi rêzdarî jinên nemir bibîrbîtim." Enwer derbirî ku bi embargoya ser Kobanê re pêdiviyên serekeyên weke zexîre nemane û wiha berdewam kir: "Ev jî têrnekir çetan bi tank û topan êrîşî me kirin. Bi tang û topên ku raya giştî jêre şahidî kirî jî mirovên me neketin. Ji ber li Kobanê dîroka jinan û mirovahiyê dihat nivîsîn. Bi saya berxwedana jinan serê me bilinde. Bi saya wan em di tevahiya cîhanê de weke şoreşgerên herî bi bawerî tên nasîn. Ev ji bo me rometek mezine."
'Werin em bi hev re jiyana ekolojîk avabikin'
Enwer da zanîn ku di kesayeta Kobanê de polîtîkayek ya bişaftinê û êrîşa ser hemû gelê kurdbûye û wiha dom kir: "Me hemûyan ji mezinên xwe dîroka xwe ya bi êş guhdar kiriye. Kobanê jî berdewama vê dîrokêye. Weke bi salan me li ber xweda me li kobanê jî berxwedan berdewam kir û hîna em li ber xwe didin. Me ji bajarê xwe DAIŞ kir derê û paqij kir. Di pêvajoya pêşiya me de emê bi giştî her deverê paqij bikin. Emê kurd û dostên kurdan du rojan ji bo ji nû ve avakirina Kobanê çî bikin nirxandinan bikin. Dê hîna nîqaşên me berdewam bike û emê di tevahiya cîhanê de bi dostên xwe re di nava dan û sitandinê debin. Werin em bi hev re qerargeha şoreşgeran Kobanê ji nû ve avabikin. Ji bo vakirina jiyanek ekolojiya demokratîk û azadiya jinan me gelek bedel dan, werin em bi hev re piştî şehîndên xwe mîrasê ku wan ji bo me hêlayî bajarek ekolojîk avabikin. Ev deyînê meye. Emê ji bo vegera mirovên xwe avakirina jiyana wan ya civakî soza ku me daye şehîdan bînin cîh û dest bi avakirinê bikin."
'Emê dest bidin hev û Kobanê ji nû ve avabikin'
Piştî ku axaftinên Enwer bi çepikan hat pêşewazîkirin Hevserokê KCD'ê Hatip Dicle derket kursiyê. Hatip diyar kir ku berxwedana YPG/YPJ'ê li Kobanê weke şoreşgerên Sovyet ê û berxwedana Stalingrad ê hat jiyîn û got: "Ev berxwedan ewqas mezin bû ku ji her aliyê cîhanê hevalên me yên şoreşger beşdarî berxwedana Kobanê bûn û berxwedanek pir mezin nîşan dan. Em bi rêzdarî wan bi bîrtînin. Bi êrîşên ser Kobanê de wendahiyên mezin hatin jiyîn. Sazumaniya wê bi giştî hilweşiya. Ji bo vegera bi hezaran Kobaniyên wê demê ji ber hilweşana Kobanê warê xwe terikandine carekedin vegerin em di vê konferansê de biriyar bidin. Divê ev tayîbetî ji ber çavan neyê revandin. Divê bi nîqaşên li vêderê re bi awayek zindî beşdarî çêbibe. Divê ser biriyarên bên girtin bê rawestandin. Divê dema ku em ji vêderê derketin her yek ji me peyîwirek nû bigire. Em dest bidin hev û Kobanê ji nû ve avabikin."
Axaftina vekirinê bi axaftina Hevseroka PYD'ê Asya Abdullah berdewam dike.
(zt)