Ebîr Ehmed /JINHA

HESEKÊ- Jinan bi boneye amedakiriya Konferansa PYD'ê li bajêra Hesekê civînek lidarxistin. Di civînê de Rêvebera PYD'ê Necbîr Azad bilêv kir ku dê ji 450 delegeyên konferansê 250 jin bin.

Jinan li taxa Miftiyê a bajêra Hesekê ya girêdayî Kantona Cizîrê, bi armanca amedekariya konferansa Partiya Yekitiya Demokratîk (PYD) ya ku dê di 8'ê Gulanê de were li darxistin, civînek pêkanîn. Civîna ku bi deqeyek rêzgirtinê despêkir de gelek jin amadebûn. Di civînê de Rêbera PYD'ê Necbîr Azad nirxandinên berfireh kir û got: "Em îro jinên bajarê Hesekê ji bo mijarek giring ya amadekariyên konferansê li vêderê kombûne. Bi felsefa Rêber Apo em jinên Rojava îmza di avêjin bin serkeftinên ku dibin meşaleya ronahiyê ji bo hemû jinên cîhanê. Îro rêvebirina civakê di destê jinan dene. Ji ber wê jî divê em çalakiyê xwe berfireh bikin. Divê em jin her dem xwe bi her awayî perwerde bikin û desturê nedin êrîş û şideta ser jinan."

'Dê konferans bi nûneriyek wekhev bê lidarxistin'

Nejbîr anî ziman ku dê beşdarvanên konferansê zêdetir jin bin û wiha domand: "Dê delegeyên konferansê û rêveberiya wê bi giştî bi awayek wekhev bê rêvebirin. Ji 450 delegeyan dê 250 delege jinbin. Herwiha dê 23 jin jî ji bajarê Hesekê beşdarî konferansê bibin. Ji ber wê jî dê li hemû bajarên kantona Cizîrê ji bo amadekarî û delegeyên konferansê civîn bên li darxistin. Em hêvîdarin ku ev konferans bibe wesîleya avakirina civaka azad û demokratîk."

'Di civakê de pêşengiya jinê pêşerojê ronî dike'

Ji Rêveberiya PYD'ê Rexda Xelîl jî di derbarê giringiya konferansê de wiha axivî: ''Di konfransa gîştî ku di sala 2005'an de hat lidarxistin hijmara jinan kêmbû, lê di roja îro de hijmara jin û mêran wekheve ev yek jî bi saya xebata jinê di nava partiyê de ye. Ji bo pêşketin hîn zêdetir di rojên pêş de wê gavên serkeftî bên avêtin.

'Armanca me avakirina civakeke azade'

Endama Rêveberiya Yeketiya Jinên Ciwan a PYD'ê Ahîn Oso destnîşan kir ku dê jinên ciwan jî bi coşek mezin beşdarî konferansê bibin û wiha berdewam kir: ''Jinên ciwan jî dê di konfransê de amede bibin. Em şanazin ku weke jinên ciwan di konferansek wiha giştî de cîh dane me. Em hêvî dikin ku em bighêjin armancên xwe. Ji bo avakirina civakek demoqratîk û azade ciwan jî bighijin astên bilind di kar û xebata xwe de.''

(ee/zt)