Dîdem Elî(JINHA)

SERÊKANIYÊ - Li bajarê Serêkaniyê ya girêdayî Kantona Cizîrê ciwana bi navê Sewsen Ahmed li beramberî ku nabihîse û napeyve, mamostetiya govendê dike.

keça kurd ya bi navê Sewsen Ehmed bi temenê xwe 15 salî ye, ku ji zayînê de deng nagre û napeyive, bi daxwaza xwe derbasî perwerdehiya govendê bibû. Ji ber bi tevlîbûna xwe ya serkeftî, pawernemayê mamostetiyê girt.

Dayika Sewsen ya bi navê Sumeya Mihemed ji ajansa me ya JINHA re axivî û diyar kir ku, Sewsen du salin beşdarî xebatên çand û hunerê bûye û got: " Sewsen ji ber tevlîbûna xwe ya perwerdê bi serkeftî bû bawername ya mamostetiyê girt. Her wiha Sumeya behsa meraqa Sewsen ya li hember çand û hûnerê kir û wiha dom kir: " Xeyala Sewsen ji zaroktiyê ve ewbû ku beşdarî xebatên çand û hûnerê bibe û bi taybet jî meraqa wê li hember beşa govendê zêde bû. Lê ji ber ku nabîse û napeyive digot ' Ji ber rewşa xwe ez nikarim beşdarî vê xebatê bibim'. Weke dayîkek min bawariya wê bilind kir û ji bo ku beşdarî xebata çand û hûnerê bibe, me jêre derfet avakir.

'Tu tişt li pêşiya dexweza mirov nabe asteng'

Sumeya da zanîn ku, dema mirov tiştek bixweze tu tişt nabe asteng û wiha dom kir: " Sewsen li kêleka xwendina xwe ya dibistanê xebata xwe ya çand û hûnerê jî dide meşandin. Ji ber tevlîbûna wê ya bi serkeftî ew bawernameya mamostetiyê girt. Sewsen bi hereketên destan şagirtan fêrî govendê dike." Sumeya wiha dawî li gotina xwe anî: " Sewsen ji ber heskirin û xwesteka xwe ya zêde di qada çand û hûnderê de bi serkeftî bû û astengiyên ku li pêşiya wê derketin bi tekoşînek îradî hewilda ku derbas bike."

(rc)