Abir Ahmed/JINHA

HESEKE - Bi armaca perwerda werzîşê bi dehan jinên ciwan li Navenda Yekîtiya Ciwanan ya li taxa Miftî kom bûn.

Li taxa Miftî ya bajêra Hesekê a kantona Cizîrê, jinên ciwan ji bo perwedeya volaybolê bibinin li Navenda Yekîtiya Ciwanan kom bûn. Endama Rêvebiriya Tevgera Ciwanan Albîn derbarê xebatên jinên ciwan de da zanîn ku, jinên ciwan li Rojava xwedî rolek girîng û çalake di her qadê jiyanê de û wiha dom kir: " Jin li Rojava ji tevahî mirovan re bi sekna xwe diyar kir ku jin dikare li her qadê jiyanê cih bigre. Niha jî jinên ciwan li Navenda Yekitiya Ciwanan bi ciwanên mêr re perwerdeyên werzîşê dibinin. Li ser bingeha avakirina civaka demokratik û wekhev em xebat li her qadê jiyanê didin meşandin."

'Ciwan çiqas bi çalakbe civak jî ewqas pêşdikeve'

Albîn di axaftina xwe de bal kişand ser girîngiya jinan di nava civakê de û wiha got: " Tevlîbûna jinan ji hemû qadên civakî asta pêşveçûyîna şoreşa Rojava diyar dike. Piştî şoreşa Rojava Veguherînên ku di hişmendî û şêwazê jiyana civakê de pêkhatine gelek bal dikêşe. Ciwan çiqas bi çalak be civak jî ewqas pêşdikeve. Ji ber vê yekê ji bo xebata pêşxistina ciwanan çi derfetê me hebin em amedene bikin."

Zozan Hesekê yek ji ciwanên ku beşdarî perwerdeya werzîşê ya volaybolê bûye nêrînên xwe derbarê xebatên ku tê meşandin de da û got: " Ez hewildidim ji hemû qadên ku jin jê hatine dûrkirin cihê xwe tê de bigrim. Çawan jin pêşengtiya şoreşa Rojava kir ez bawarim di qadê sporê de jî emê serkeftinê bi dest bixin."

Ciwana bi navê Çekjîn Aebo derbarê rola jinên ciwan de axivî û wiha got: " Di qada sporê de bêy ku cûdayî bê kirin ciwanên jin û mêr bi hev re perwerde dibînin. Dema ev helwest hebe hevaltiya di navbera jin û mêr de jî li ser bingeha bawarî û rêzdariyê pêş dikeve. Faydeyê sporê ji bo mirov hem di warê hizrî û hem jî di warê fizik de gelek in. Ji ber vê yekê pêwîstiya jinan bi qadên wisan heye ku bikaribin xwe di navde bi hêz bkin."

(rc)