Newroz Dijwar/JINHA

SİLÊMANÎ - Jinên ciwan yên Herêma Federala Kurdistanê makezagona nû tê amadekirin nirxandin û diyar kirin ku wê desturê nedin makezagonek bi rengê mêran û talebên xwe wiha anîn ziman: "Divê di nava komusyona ji 21 kesan pêktê de jin bi awayek wekhev cih bigirin. Divê di makezagonê de mafê jinan bê girtina bin ewlehiye, derfetên kar ji bo jinan bên dabînkirin, zewaca di temenê biçuk de bê qedexekirin, yên ku neyên van zagonan bên cezakirin."

Li Herêma Federala Kurdistanê ev demeke ji bo makezagona nû ya ku ev demeke di rojevê deye nirxandin bedewamin. Jinên ciwan yên Silêmaniyê makezagona nû nirxandin û wiha gotin: "Divê di makezagona nû de nûneriya jinan ji sedî pêncî be." Xwendekara Zanîngehê Verda Tahir Kadir da zanîn ku divê makazagona nû nûneriya wekheviyê bike, mafê jinan bê birtina bin ewlehiyê û wiha axivî: "Ez dixwazim di makezangona nû de mafê jin û mêran wekhevbe. Ji ber her du zayend jî di nava heman civakê de dijîn. Divê vêcarê di makezagona nû de mafê jinan bê zanîn û zagonî bibe."

'Divê di makezagona nû de jin xwediyê mafê gotinê bin'

Verda destnîşan kir ku li Başurê Kurdistanê yekemcare makezagonek nivîskî tê amadekirin û di navê de jin bûyîna xwediyê mafê gotinê gelek girtinge û wiha domand: "Civaka me civakek bi hişmendiya mêrane tê rêvebirin. Em li her derê bandora vê dibînin. Jin ne azadin. Ez weke jinek ciwan ji pirsgirêkên ku nava civakê tên jiyîn berpirsim. Div her jin bi vê berpirsyariyê tevbigerin. Divê ji bo avakirina makezagona nû nêrîn bên girtin. Ev peyîwira meye. Divê makezagona nû ji bo pirsgirêkên jinên herêmê bibe bersiv."

'Divê jin bi koteya wekhev beşdarbibin'

Luva Mihemed jî bilêv kir ku divê di nava 21 kesên ji bo komusyonê hatîn diyarkirin jin bi awayek wekhev têde cîh bigirin û wiha berdewam kir: "Piranî parlementoya me ji parlementerên mêr pêktê. Mixabin li cihê demokrasiyê zêdetir welatê me ber bi diktatoriyê diçe. Em welatek wihane ku heya niha serokek me ya jin çênebûye. Heger jin makezagonê amadebike ez bawerdikim ku dê jiyanek wekhev û demokratîk avabibe."

'Divê zagonên jinan paşde bihêle neyên derxistin'

Luva anî ziman ku divê zagonên jinan paşde bixe neyên lidarxistin û wiha dom kir: "Heger ji bo min gotibana makezagonê binirvîse, minê despêkê xala wekheviyî û demokrasiyê bigirta dest. Mafê jinan û azadiya wan xistina bin ewlehiyê. Minê mafê mêran jî nexwara. Minê yên ticareta jinan dikin û jinan qetildikin ceza bikira. Minê ji bo jinan derfetên kar vekira. Minê mafê jinan yê kar xistibana bin ewlehiyê."

'Dema ku jin bi hêz bibin kes nikare pêşî bigire'

Lava Vahid jî cîhgirtina jinan di amadekirina makezagonê de giring dît û wiha got: "Ez jî beriya her tiştî makezagonek ya wekheviya jin û mêran bingeh digire dixwazim. Divê di vê makezgonê de wekheviya jin û mêran bê hînî civakê kirin. Li Kurdistanê di guherînan ji mêran zêdetir rola jinan heye. Divê di çêkirina makezagona nû de jî jin pêşengiyê bikin. Divê nîvê komisyonê jin bin. Dema ku em jin bi vîna xwe bixebitin kes nikare pêşiya me bigire."

Xwendekarên Zanîngehê Hêro Abdurahman, Suma Rizgar û Lana Abdulah jî xwestin di makezagona nû de mafê jinan bê xistina bin ewlehiyê. Xwendekaran diyarkirin ku divê di makezagona nû de ji bo jinan derfetên kar bên vekirin, zewaca di temenê biçuk de bê qedexekirin û yên neyên van zagonan bên cezakirin.

(zt)