JINHA

ŞIRNEX - 1'emîn Mêhrîcana Jinên Ciwan ya Evrim Andok bi kelecan gihişt dawiyê. Jinan li qundatên Çiyayê Cudî li ber dengê hunermendên jin û komên govendê yên jinan mêhîrîcana xwe bi şoş gihandin dawiyê.

1'Emîn Mêhrîcana Jinên Ciwan a Evrim Andok bi dawî bû. Di saetên sibê de jinên Nisêbin, Slopî, Şırnex û Cizir ketin rê û çûn qada mîhricanê. Dihat pîlan kirin ku ev mîhrican li gundê Şaxê were pîroz kirin lê ji ber destur nehat dayîn jinan li cihekî nêzi gundê Şaxê li gundê Guriga ya girêdayê Cizîrê mihricana xwe li dar xistin. Hevsrokên HDP, DBP û şaredar tevlî mihrîcanê bûn. Ji xeynî jinên ciwan dayîk jî bi rengê xwe tevlî mîhricanê bûn. Dayikan cilên gelerî, ciwanan jî cilên leşekerî li xwe kirin. Jinan di nav xwezayê de bi awayekî xwezayî nan û çaya xwe çêkirin. Piştî xwarinê jinên ciwan bafirok firandin û asiman xemilandin. Mêhrîcana ku bi deqeyek rêzgirtina ji bo giyanê yên di tekoşîna aştî û demokrasiyê de jiyana xwe ji dest dane despêkirî bi axaftinan berdewam kir.

‘Xweza bi rengê jinê ji nû ve şîn bû ye’

Despêkê Hevşaredara Cizîrê Leyla Îmret diyar kir ku xweza îro bi rengê jinê ji nû ve şîn bûye. Leyla bi lêv kir ku ew di serî de Ş. Evrim Andok bi bîr tînin û ew tu carî wan ji bîr nakin û wiha dewam kir: "Emê her tim di şopa şehîdan de bin. Em di zanin ku dayikê me êşên mezin kişandin e. Şengal tu caran ji bîra me naçe çi ji wan jinên ciwan kirin. Wan revandin, ser jê kirin, tecavuz kirin lê jinê kurd jî li hember vê yekê bê bersiv nema berxwedana YPJ ya li Kobanê û Şengalê yek bi yek bersiva wan da. Em wan silavdikin."

Leyla da zanîn ku jinên kurd ber bi azadiyê ve dimeşin û ev tişt got: "Jina kurd xwe bi rêxistin dike. Êdî hemû dunya bi hêza jinên kurd dizane. Em îro dinêrin jinê Kurd ji aliyekî de çekê hildide, ji aliyêkî de zarokan xwey dike, ji aliyekî de sîyasetê dike. Jinên kurd xwe li her xadê da îspat kirin ev mîhrican jî Îspata wê ye.” Leyla gotinên wek “Cinet di bin lingên dayikandaye bi bîr xist û wiha pirsî: "Nexwe çima mafê jinê di vî welatî de tune ye.” Leyla got ku iro jina bi paradigmaya Abullah Ocalan xwe nas kiri ye û ev tişt got: "Ewê partiya me li parlementoyê dengê jinê zêde bike û wê hêviya aşitiyê, aramiyê bîne Tirkiyê”

‘Tekoşîna 40 salan êdî kulilk vekiriye’

Pişti axaftina Leyla Namzata HDP’ê Leyla Birlik derket ser dikê. Leyla girseyê silav kir û diyar kir ku tekoşîna ku 40 sale hatiye dayîn iro li vê derê kulîlkek vekiriye û wiha axivî: "Îro em li wargeha şehîdan nefesekê didin jiyanê. Ev 40 salin jin pir êşiya ye bi vê êşa xwe jî qehramantî kiriye.” Leyla got ku iro li hember Îxanetê Vîyan li hemberî qirkirna çandî Ronahî, li hember dijminên dil xerab Arîn, li hember îrîşan Zilan û bi hezaran cangoriyên azadiyê li asiman bûne stêrk.

Leyla diyar kir ku ev demek tevgara azadiyê çeka bêden kiriye û ev biryar ji b wan jî esas e û wiha pêde çu: "Dijminên qirêj leystika di leyize çend roj berê li serhedê do li Roboskiyê îro li Geverê leystikên qirêj di leyize ez bawrim jinên kurd ewê van leystikan vala derxin.” Leyla soza Evrîm Andok ku dema tevlî tekoşînê bûbu bi bîr xist û ev tişt got: "Em jî soz didin emê li soza we xwedî derkevin. Soza we riya me ronî dike.” Leyla diyar kir ku iro berxwedana jinên Kurd bûye hêviya hemû jinên Cihanê.

Piştî axaftinan Koma Govendê ya Mîtanî, Koma Viyan Soran, Koma Şehîd Sara, Koma jinên Mîtanî, Hûnermend Evin, Koma jinên Cudî, Dengên jinên Azad, Koma Hezil derketin pêşberî jinan û jinan heya derengê şevê govend gerandin. Di festivalê de her wiha sînevizyona jiyana Azize Bayram (Evrim Andok) hate nîşandan.

(ma/zt)