Şeyma Güzel/JINHA

AMED - Namzeta Parlementera HDP'ê ya Meletyayê Perîhan Yucekaya diyar kir ku jin li bajarê çandinyê Meletye yê ku niha bi zêdebûna fabrîqayên tekstîl û mobilyeyan re dibe bajarê pîşesaziyê jin têde tenêbûn û biyanîbûnê dijîn û wiha got: "Ji ber wê jî divê jin dengê xwe bidin partiya xwe HDP'ê. Emê bi dengê jinan li meclisê mafê hemû jinan biparêzin."

Namzeta Parlementera HDP'ê ya bajrê gelên cuda têde dijîn Meletya yê Perîhan Yucekaya her diçe rêxistinên jinan li hember zêdebûna pîşesaziya bajêr û tenêmayîna jinan zêde dibe. Perîhan ya ku di heman demê de seroka navçeya HDP'ê ya navçeya Yeşîlyurtê anî ziman ku di heman demê de keda kedkarên Meletyayê yên çandiniyê ji aliyê sermayedaran ve tê mêtîngerkirin. Perîhan ya ku ji dema HADEP'ê heya niha di rêxistinên partiyên siyasiyên navend û navçeyan de rêveberîkiriye wiha dibêje: "Ji tekoşîna xwe ya salan ez hemû pirsgirêkên welatiyan dizanim. Ji ber wê jî ez di di banê kedkaran HDP'ê de bûm namzet."

'Emê di meclisê de bibin dengê jinan'

Perîhan balkişand ser li Meletyayê mêtîngeriya keda jinan û wiha domand: "Mafê gotinê yê jinên nîvê civakê pêktîne nîne. Dixwazin jinan ji navendên nûneriyê durbixin. Ji bo ku jinên hatine hebiskirin di hindirê malan de bêjin 'Em jî hene' pergala hevserokatiyê ya HDP'ê ji bo jinan hêviyeke. Partiya me xwediyê kevneşopiyek ya her demê azadiya jinê û civakê bingeh digiriye. Partiya me bûye hêviya hemû gelên li Tirkiyê yên weke kurd, tirk, elewî, sunî û dinê. Em ji bo bûyîna pira nava gelên tên parçiqandin û baweriyên cuda de bi biriyarin."

'Namzetên partiyên dinê jinan weke vîn nabînin'

Perîhan bilêv kir ku li Meletyayê jin tên paşdexistin û wiha berdewam kir: "Partiyên dinê yên siyasî jî wiha dikin. Di dema dengdanê de jî jin girêdayî mêran dengê xwe bi kar tînin. Ji derveyî HDP'ê hemû partiyên dinê yên siyasî li meydanên gund yan jî li qehwexanan tênbahev û wiha xebatên xwe yên hilbijartinê bi rêve dibin." Perîhan destînşan kir ku HDP despêkê nêrîna jinan bingeh digire û armanc dike bibe dengê yên tên perçiqandin, ji ber wê jî li gund bi gund, tax bi tax digerin û li pirsgirêkên jinan guhdarî dikin.

Perîhan di dawiyê de wiha got: "Divê jin deng bidin partiya xwe HDP'ê. Tercîhek û vînek ya jinan heye, ez li vêderê carekedinê bang li hemû jinan dikim ku vê tercîha xwe girêdayî partiya xwe bikin."

(zt)